எனக்கு பிடித்த இளையராசாவின் பாடல்கள்

January 19, 2011, 9:55 am

இளையராஜா என்பதை விட இளையராசா எனக் குறிப்பிடும் போது இன்னும் நல்லா இருக்கு:)

ஓகே இளையராசாவின் இசைத் திறமையையோ அவரின் புகழ்பாடவோ இந்த பதிவு இல்லை என்பதை முதலிலே சொல்லி விடுகிறேன் எல்லாம் பாதுகாப்பு காரணம் தான் ஹி ஹி

அவருடைய பிரபல பாடல்கள் எல்லமே சின்னக் குழந்தைக்கு கூட மனைப்பாடமாக இருக்கும் ஆனால் அவருடைய பிரபலமாக அதிகமாக பேசப்படத பல சிறந்த பாடல்களை பற்றி தான் இங்கே அலச போறோம்

ஒரு வேளை இந்த பாடல்களில் பல உங்களில் பலருக்கு தெரிந்திருக்கலாம்,பிடித்திருக்கலாம் மாற்றுக்கருத்தும் கூட இருக்கலாம் எல்லாவற்றையும் இங்கே பதிவு செய்யுங்கள்

மோகன் பாடல்கள் ,அவருடைய ஜனனி பாடல்களை விட்டு விட்டு அவர் இசையமைத்து ஓடாத சில படங்களில் பற்றி முதலில்

'என்னுள்ளே என்னுள்ளே' என்ற பாடல் வள்ளி படத்திலிருந்து..இந்த படத்தை கடையம்(எங்க ஊரு)கோபாலகிருஷ்ணா தியேட்டரில் பார்த்தது இன்னும் நினைவிலிருக்கிறது
ரஜினி தயாரிப்பில் வந்த இந்தப்படம் பெரும்தோல்வியை தழுவியது..இந்த பாடல் தான் படத்தின் முக்கிய கட்டம்..நகரத்திலிருந்து வந்த ஒரு இளைஞர் கூட்டம் ஹீரோயின் ஊரில் டெண்ட் அடித்து ஆட்டம் போடுகிறது அதில ஒரு இளைஞன் பரதநாட்டிக்காரனாயிருக்கிறான்

அவன் மேல் ப்ரியம் கொண்ட ப்ரியா அவனுடன் ஆடியபடியே தன் கற்பை இழக்கும் தருணத்தில் வரும் பாடலிது.இந்த பாடலை பலமுறை கேட்டுப்பாருங்கள் அடிமையாகிவிடுவீர்கள்..இந்தப்பாடலை பார்க்க நீங்க மிட்நைட் வரை முழிக்கனும் ஆமா மசாலமிக்ஸ் அல்லது ஆலிங்கனம்(கேப்டன் டிவி :))யில் இரவு 12 க்கு மேல் பார்க்கலாம்..இதெல்லாம் உனக்கெப்படி தெரியும்னு நீங்க கேட்க மாட்டீங்கன்னு நினைக்கிறேன்

அடுத்தது 'என்னுள்ளே ஏனோ' ரோசாப்பூரவிக்கைகாரி படத்திலிருந்து இதுவும் கில்மா பாடலாகியதில் பெரும்வருத்தம் எனக்கு இல்லையென்றால் பகலிலே பார்க்கலாம்..இந்த பாடலில் இடையிடையே ரவிச்சந்திரன்(Actress Lakshmi sமுன்னாள் கணவருள் ஒருவர் என ஐயம்!!)வரும் வசனங்கள் தான் இந்த பாடலை இன்னமும் அழகாக்கியிருக்கிறது என்பது என் திண்ணம்.

'அந்த இடம் ரொம்ப அழகாயிருக்கும் உங்களுக்கு ஆட்சேபனையில்லைனா' என வில்லன் டயலாக் பேசி ஹீரோயினை கபளீகரம் பண்ணும் பாடல்..இன்னமும் ராசா அவருடைய கான்சர்டோவில் விரும்பி இசைக்கும் பாடலிது

கேட்டு பாருங்கள்!!!

நெக்ஸ்ட் அலைகள் ஓய்வதில்லை படத்தில் வரும் 'விழியில் விழுந்து'..வைரமுத்துவின் முதல் பாடல்.இந்த பாடலுக்கு என்ன சிறப்பென்றால் அப்போதே ரெண்டு வெர்ஷன் கான்செப்ட்டை ராசா அறிமுகப்படுத்தியிருப்பார்..ஒரு பாடல் கவிதை வாசிப்பது போலவும் இன்னொரு பாடல் வேகமாயும் வரும்.

இது நல்ல பிரபலமான பாடலென்றாலும் ரெண்டு வெர்ஷனையும் கேளுங்கள்

அடுத்தது 'கோடைகாலக்காற்றே' ப்ரம் 'பன்னீர் புஷ்பங்கள்' படம்..இந்தப் படத்தின் எல்லா பாடல்களும் மெகா ஹிட் ஆனா இந்த பாட்டு தான் என்னோட பேவரைட்..பள்ளிமாணவர்கள் ஊட்டியில் சிக்ஸ்த் மைலில் டூரில் இருக்கும் போது பிரதாப் பள்ளி வாத்தியார் பாடும் பாடலிது..தூக்கம் வரலைன்னு பியர் அடிப்பவர்களா நீங்க இந்தப்பாடலை கேளுங்க 75 ரூபாய் மிச்சம்

இந்தப்படத்தின் ஸ்பெசாலிட்டி இதன் டைரக்கடரு நம்ம பி.வாசு நம்பமுடியலை தானே அவசரப்படாதீங்க அவருடன் சேர்ந்து நம்ம சந்தானபாரதியும் இயக்கியிருக்கிறார் இப்ப புரியுதா படம் ஏன் ஓடிச்சுன்னு

இன்னொரு விஷயம் இந்தபட ஹீரோயின் தான் நேருக்குநேர் படத்தில் சூர்யா அக்காவாய் வரும்!!

மீண்டும் சந்திப்போம் இன்னும் சில கிளாசிக் பாடல்களுடன்

↧

தமிழ் இ புத்தகங்கள்

January 20, 2011, 9:15 am

≫ Next: அப்போதும் கடல் பார்த்துக்கொண்டிருந்தது

≪ Previous: எனக்கு பிடித்த இளையராசாவின் பாடல்கள்

http://gkpstar.googlepages.com/

↧

அப்போதும் கடல் பார்த்துக்கொண்டிருந்தது

January 24, 2011, 10:22 am

≫ Next: சமீபத்தில்

≪ Previous: தமிழ் இ புத்தகங்கள்

சமீபத்தில் படித்த புத்தகம்ஸ் :

அப்போதும் கடல் பார்த்துக்கொண்டிருந்தது-எஸ்.ரா

வாசக பர்வம் -எஸ்.ரா

வாசகர் பர்வம் இது போன்ற அனுபவ கட்டுரைகள் தான் எஸ்ராவின் பலமென தோன்ற்கிறது..இந்த புத்தகத்தில் அவர் வாழ்வில் சந்தித்த தமிழ் எழுத்தாளர்களையும் பற்றியும் அவர்களிடம் பழகிய நாட்கள், அவர்களை தூர இருந்து ரசித்தது பற்றி, அவர்களிமிருக்கும் குழ்ந்தை தனம் பற்றி என நீளுகிறது ..தினமும் ஒரு கட்டுரை என இன்று தான் படித்து முடித்தேன்

இதில் சில கட்டுரைகளை இணையத்தில் அவரது பக்கத்தில் படித்தமையால் கொஞ்சம் ஏமாற்றமேற்படுகிறது , உயிர்ம்மை பதிப்பகம் ஒவ்வொரு புத்த்கத்துகும் நிர்ணயிக்கும் விலையும் பீதி கிளப்புகிறது

அப்போதும் கடல் பார்த்துக்கொண்டிருந்தது பற்றி தனியாக எழுதுகிறேன் அவ்வளவு இருக்கிறது எழுத

சமீபத்திய பயணம்

சொந்த ஊருக்கு போனது தான்..பொங்கல் சாக்கில் பழைய நண்பர்களை பார்க்க முடிந்தது..எல்லாரிடமும் செல்போனிருக்கிறது ..சில பேரிடம் நம்பர் பரிமாறிக்கொள்ள கூட தோண வில்லை.

நண்பர்களை நீண்ட நாள் கழித்து பார்க்கும் போது போய் டீ அடித்துக்கொண்டே பேசும் பழக்கம் மாறி வா மச்சி ஒயின்ஷாப் போய் ஒரு பீர் போடலாமென விட்டது..

டிவி பார்க்கும் ஆர்வம் குறைந்து, இலக்கில்லாமல் சுற்றும் ஆர்வம் அதிகமாகியிருக்கிறது எனக்கு

வேலியில் தலையாட்டிக்கொண்டிருந்த ஓணான்களை ஒன்று செய்யும் செய்யாமல் கடந்தது எனக்கே ஆச்சர்யமளித்தது

போகும் போது ரயில்களில் ஐடி இளைஞர்களும் யுவதிகளும் காதுகளில் ஒயர் மாட்டிக்கொண்டும் இரவு முழுக்க போர்வை போற்றி பேசிகொண்டிருந்ததும் பார்த்த போது ‘நம்ம ஊரையாது விட்டு வைங்கடா வென கத்த தோன்றியது‘

கொஞ்ச நேரம் கிரிக்கெட் விளையாடி விட்டு , உடன் விளையாடி பசங்களுக்கு பொங்கல்படி கொடுத்துவிட்டு ரயிலேறிவிட்டேன்

சமீபத்தில் பாதித்த சம்பவம்

ஐயப்பன் கோவிலில் கூட்ட நெரிசல் அதிலும் தமிழர்கள் பலர் இறந்தனர்

இந்த முறை டிவியில் மகரஜோதி பாதி பார்த்துக்கொண்டிருந்த அப்பா ‘கருடன் வரவேயில்லை சகுனம் சரியில்லை‘ என உச் கொட்டிகொண்டிருந்ததும், பேருந்தில் Sடேசன் செல்லும் போது ரெண்டு பெருசுக ‘இஅவனுக காசு வாங்கிட்டு எல்லாவனையும் உள்ளெ விட்டுபுடுறானுக, பொண்ணுக எல்லாம் பக்கத்திலயே நின்னு சாமிய வெறிக்குதுக, மலைக்கு போற பய ஒருத்தன் கூட ஒழுங்கா விரதமிருக்கிறதில்ல,பொறவு இப்படிதானே நடக்கும்‘என பேசிக்கொண்டிருநததும் யோசிக்க வைத்தது.

சமீபத்தில் பார்த்த ரசித்த பெண்:

Office Cafeteria வில் 1.22.13 க்கு தினமும் வரும் அந்த மலையாள பெண்..அப்படி ஒரு அழகு..என்ன ஒரு சின்ன பிரச்சினை கூட வரும் அந்த ஹிப்பி வச்ச மங்கி பையன் தான்..அடிக்கடி தொட்டு பேசுறான்..அவனை மட்டும் அவட் ஆப் போகஸ் ல தள்ளுனா சூடான செம்மீன் கறி ரெடி

சமீபத்தில் விழுந்து விழுந்து சிரித்தது:

புருஷன்: ஏண்டி இவன் தான் உன் கள்ளக்காதலனா..பிச்சைக்காரன் மாதிரி இருக்கான்

மனைவி: குடிச்சிட்டு கண்ணாடி முன்னாடி நின்னு உளறாம மூடிக்கிட்டு போய் படுங்க (உங்களுக்கு சிரிப்பு வரலையா???? அப்போ ஒண்ணியும் பண்ண முடியாது)

சமீபத்தில் எழுதிய பதிவு:இது தான்

↧

சமீபத்தில்

June 8, 2012, 9:47 pm

≫ Next: ஆகாயத்திலிருந்து பார்க்கும் போது

≪ Previous: அப்போதும் கடல் பார்த்துக்கொண்டிருந்தது

சமீபத்தில்

சமீபத்தில் படித்த புத்தகம்ஸ் :

புத்தனாவது சுலபம்-எஸ்.ரா

சில கதைகள் ஏற்கெனவே மற்ற பத்திரிக்கைகளில் படித்தமையால் கொஞ்சன் ஏமாற்றம், இந்த வருட சந்தையில் வாங்கி ஒரே புத்தகம்.

எஸ்ராவை தொடர்ந்து படிப்பவர்கள் ஒரு மேட்டர் கவனிகலாம் , எப்படியும் ஒவ்வொரு தொகுப்பிலும் ஒரு கதை மிக பக்கங்களை ஆக்கிரமத்து,மிக கனத்துடனும் இருக்கிறது.

உதாரணத்திற்கு 18 ஆம் நூற்றாண்டின் மழை தொகுப்பில் ’18 ஆம் நூற்றாண்டின் மழை, புத்தனாவது சுலபம் ல் ‘ஆம் புருனோ குற்றவாளி தான்’ இப்படி.

சமீபத்திய பயணம்:

சமீபத்தில் டே ரயிலில் தஞ்சாவூர் நண்பனின் திருமணத்திற்காக பயணித்தேன்..தாம்பரத்திலிருந்தே சரியான கூட்டம்,அது திருச்சி ரயிலாலதலால் நிறையவே குன்னக்கோல் மாமாக்களும்,அம்புஜம் மாமிக்களும் குழுமியிருந்தனர் நிலையத்தில்.

ரயிலில் ஏறியவுடன் ஆரம்பித்து விட்டார்கள் கச்சேரியை.சீட்டு விளையாடினார்கள்,மதியம் சிப்ஸ் வைத்து தயிர்,சாம்பார் சாதம் சாப்பிட்டார்கள்.பாட்டுக்கு பாட்டு பாடினார்கள்.எனக்கு சுஜாதாவின் ஸ்ரீ ரங்கத்து தேவதைகள் நியாபகத்திற்கு வந்தது.

திண்ணாவும்,குண்டு ரமணியும் எட்டி பார்த்தார்கள்.தல சுஜாதா யு ஆர் ரியலி க்ரேட்

திருமணத்தில் டைரக்டர் எஸ் ஜே சூர்யாவை பார்க்க நேரிட்டது..41 வயதாம்.மணப்பெணின் உறவினன் போல.டைரக்டராவே இருந்திருந்தால் சில பல ஹிட்ஸ் கொடுத்திருக்கலாம். என்ன செய்ய விதி.

சமீபத்தில் பார்த்த ரசித்த பெண்:

கோழி முட்டைக் கண் நித்யா மேனன் போரடித்ததாலும் ,கடந்த வார விகடனி அஞ்சலியை பார்த்ததில் இருந்தும் இப்போ ‘நிஜமாத்தான் சொல்றியா’.

கண்டிப்பா அந்த ஸ்டில்லை இங்கே போடமாட்டேன் ஹி ஹி

சமீபத்தில் பார்த்த ரசித்த படங்கள்:

இரண்டு படங்கள்.

ஒன்று இதில் சைக்கோ பயபுள்ள ஒருத்தன்,கொலகளை வெப்சைட்டில் லைவ்வாக செய்கிறான், ஹிட்ஸ் அதிகமாக அதிகமாக கொலை செய்யும் நேரம் குறைகிறது

ஐடியா நல்லாயிருக்கில்லா

இதை கண்டுபிடிக்கிறது நம்ம பிகரு எப்பிஐ ஏஜென்ட் Diane Lane.

இதே ஆக்டரசின் இன்னொரு படமும் பார்க்க நேர்ந்தது அது Unfaithfull

செமையான படமிது, வழக்கமான கதை என்றாலும் அவ்வளவு சிறப்பாக எடுக்கப் பட்டிருக்கிறது,

அழகான மகன்,கணவருடன் வசிக்கும் ஹீரோயினை மயக்குகிறான் புத்தக விற்பனையாளனான நம்ம பிராடு இளைஞனன்

அடிக்கடி சந்திக்க இருவரும் தீ பற்றிக் கொள்கிறது, ஆனால் நம்மாளுக்கு மனதில் குற்ற உணர்ச்சியும் இருக்கிறது . ஒரு

கட்டத்தில் புருஷனுக்கு மேட்டர் தெரிய என்ன நடந்தது என்பதை டவுன்லோடு செய்து பார்க்கவும்

இதே தீமில் இன்னொரு படம் ஒன்று முன்பு பார்த்தேன், பெயர் Buttefyly on the wheels. இதில் நம்ம ஜேம்ஸ்பாண்டு pierce brosnan ஹீரோயிசமில்லாம பாதிக்கப்பட்ட ஒரு கணவன் கேரக்ட்ரில்..இதுவும் பார்க்கலாம் ஒரு தபா.

சமீபத்தில் ரசித்த பாடல்:

ரொம்ப நாள் கழித்து மார்க்கண்டேயா பாடலை(நியூ) கேட்க நேர்ந்தது, ரகுமான் ராக்ஸ்..இப்போ திரும்ப திரும்ப கேட்க்கிறேன்.

அதே போல யாவரும் நலம் படத்தில் வரும் காற்றிலே பாடலின் ரீ மிக்ஸ்.இப்படத்தின் இசை ரம்மியமாயிருக்கும் ,இசை?சங்கர் மகா தேவன் நம்ப முடிகிறதா.

இந்த மாதிரி பாடகர்கள்,பல இசையமைப்பாளர்கள் இணைந்து இசையமைத்த பாடல்களில் சில சேகரித்து வைத்திருக்கிறேன்.

உதாரணத்திற்கு

திரு திருடா – பைவ் ஸ்டார் படத்திலிருந்து , இதுக்கு இசை அனுராதா sriram-கணவரும்..எல்லா பாடல்களும் இதில் அருமை..முக்கியமான பைவ் ஸ்டார் பாடல்..இப்பாடலில் இடையில் வரும் சோகம் இழையோடும் இடம் சான்ஸ்லெஸ்

அப்புறமா ‘ஏய் நீ ரொம்ப அழகாயிருக்க’ , இப்படத்திக்கு 5 இசையமப்பாளர்கள், அதில் ரமேஷ் விநாயகமும் ஒருவர், இவர் தான் ‘அழகிய தீயே’ படத்தின் இசையமைப்பாளர்.

இன்னொன்று ஹரிஹரனின் இசையில் ‘பாதிக்காதல் பாதி முத்தம்’, சரியான பாட்டு, வைரமுத்துவின் அட்டகாசாமான வரிகள்..

ஒரு முறை எல்லாவற்றையும் கேட்டு பாருங்கள்

சமீபத்தில் ரசித்த சில போஸ்ட்ஸ்:

ஜோக் எழுத்தாளர்களை பற்றி ஒரு ஜோக் எழுத்தாளரின் கட்டுரை.

https://www.uyirmmai.com/Uyirosai/Contentdetails.aspx?cid=3258

தமிழின் பெஸ்ட் கதைகள் படிக்க ஒரு வெப்சைட்.

https://thoguppukal.wordpress.com/

↧

ஆகாயத்திலிருந்து பார்க்கும் போது

September 21, 2012, 6:11 pm

≫ Next: Cooking channel

≪ Previous: சமீபத்தில்

சென்னையை ஆகாயத்திலிருந்து பார்க்கும் போது பேரானந்தம்…வாரக் கடைசிகளில் சோமபானமருந்தி எத்தனையோ முறை காற்றில் பறந்திருக்கிறேன்,ஆனால் இம்முறை உண்மையாகவே!!

மழை நாளில் கிளம்பினேன் அங்கிருந்து.. இல்லை இல்லை நான் கிளம்பியதால் தான் மழையோ என்னவோ…சென்னை விமான நிலையம்..சிரித்து சிரித்து பயணிகளை கவனிக்கும் விமான நிலைய பணியாளர்களின் பொறுமை,செக்கியூரிட்டி பீப் ஒலிகளை கடந்து வரும் வரை இருக்கும் பதற்றம்..இவற்றை எல்லாம் கடந்து அலுமினிய பறவையில் ஏறி அமர்ந்து சொல்வதற்கு முன்னரே சீட் பெல்ட்டை மாற்றி உட்கார்ந்திருந்தேன்

(மச்சி சீட் பெல்ட்டை எப்போதும் போட்டுக்கோ டர்புலன்ஸ் ஹிட் ஆகும் , டேக் ஆப்லயும்,இறங்கும் போது..நண்பர்களின் அட்வைஸ் தூறல்கள்)

சென்னையை ஆகாயத்திலிருந்து பார்க்கும் போது பேரானந்தம்…காது அடைப்பத்தற்கு முன்னரே 700 ரூபாய் கொடுத்து வாங்கி வைத்திருந்த காஸ்ட்லி பஞ்சை அடைத்திருந்தேன்.

பிரேக்பாஸ்ட்டை தவிர்த்தேன்,ஜன்னல் சீட் வாங்கிருந்தேன்.விமான இறக்கைகள் அநியாயத்துக்கு அசைவது அடிவயிற்றில் அபாய மணியை அடித்துக்கொண்டிருந்தது

சில வருடங்களுக்கு முன்னர் பார்த்த

விமான கிராஷ் வீடியோக்களை யாரோ கண் இமைகளை திறந்து விழித்திரைக்கு சினிமாஸ்கோப்பில் ஓட்டிக்காட்டுவது போலிருந்தது.

அபுதாபியில் இறங்கி கறுப்பு தோல் மனிதர்களின் பின்னர் அச்சு பிசகாமல் நடந்தேன்.

காத்திருக்கும் வேளையில் கவனித்ததில் எல்லார்

கையிலும் டாப்ல்ட்,லாப்பி,மொபைல்..தமிழர்கள் தமிழை தவிர்த்தார்கள்(மாமா கோயிங்க் டு ஈட் சம் பிரட்..குட்டு கோயிங் டு பிலேயிங் வித் ஹிஸ் டால்ல்…ஒரு தாய் தன் 1 வருட குழந்தையிடம்.,,)..என்னை போலாவே பர்ஸ்ட் டைம் டிராவலர்கள் நாங்ள் கண்களால் ஹாய் சொல்லிக் கொண்டோம்

2 மணி நேர காத்திருத்தலுக்கு பின்னே இன்னும் சற்றே பெரிய பறவையில் ஏறி அமர்ந்திருந்தோம்,அபுதாபி பணி பெண்கள்

அவர்களின் பாரம்பரிய உடைகளில் சீட் பெல்ட் அணிய சொல்லி அன்பு கட்டளையிட்டார்கள், நாம் தன் முதல்ல்யே ரெடி ஆயிருப்போம்லா..இந்த முறையும் விண்டோ சீட் தான். இன்னும் பெரிய இறக்கை வேறு கேட்கவா வேணும்..

அடிவயிற்றில் வைரமுத்துவின் உருண்டைகள் உருள தயாராகிக்கொண்டிருந்தது.வெள்ளைக்கார பணிப்பெண்கள் அராபு உடை அணிந்திருந்தது

வித்தியாசமாயிருந்தது.

டேக் ஆப் டைம்….அதிவேகத்தில் போய் ரன் வேயிலிருந்து மேலெழும்பும் கடைசி நொடியில் ..அது நடந்தது.

அவசரமான பிரேக்..வேகமாய் டூ வீலரில் போயிக்கொண்டிருக்கும் போது ஸ்பீட் பிரேக்கரை பார்த்து போடும் பிரேக் போல..அப்போ விமானத்துக்கு வேகத்தடை போட்டால் எப்படி இருக்கும்..உங்கள் கற்பனைக்கே விட்டு விடுகிறேன்

அப்போ விமானத்துக்கு வேகத்தடை போட்டால் எப்படி இருக்கும்..உங்கள் கற்பனைக்கே விட்டு விடுகிறேன்

சீட் பெல்டுடன் என் பேண்ட் பெல்டும் இணைத்து முடிச்சு போட்டிருந்ததால் நான் சேப், சரியாக பெல்ட் போடாமால்,நாங்கெல்லாம் கம்பிய பிடிக்காமயே பஸ்ல வருவோம்ல சங்க உறுப்பினர்கள் கொஞ்சம் கஸ்டப்பட்டார்கள்.

எல்லார் முகத்திலும் பதற்றம்,பயம்..ஒரு வித கலவையான ரியாக்சன்ஸ்..என் அருகில் அப்போது தான் பழக்காமன கோவை தமிழர் ஒருவர் ஆங்கிலத்தில் ‘இந்நேரம் திருப்பதிக்கு தலைகீழா நடந்து வருவேன்னு வேண்டிருப்பீங்களே’ என்றார், எனக்கு கடவுள் நம்பிக்கையிலைங்க ஹி ஹி..சிரித்து வைத்தேன்

இப்போ கேப்டன் பேசுவார் என க்ரூஸ் ஹெட் எடுத்து கொடுத்தார்

கேப்டன் ஜெர்ரி பேசினார்..மன்னிப்பு கேட்டார்..யோவ் ஸ்பீட் பிரேக்கர் இருக்கிறது முன்னமே பார்க்க மாட்டியா??

ஒரு இன்ஜினில் தீப்பொறி வந்ததை கவனித்தோம்,நாம பார்க்கிங் போயி செக் பண்ணிட்டு கிளம்புவோம்..மறுபடியும் மன்னிப்பு கேட்டார்

சாப்பாடு டோக்கன் கொடுத்து சாப்பிட்டு காத்து வாங்க சொன்னார்கள், சில பெரிசுகளுடன் சேர்ந்து கொண்டேன்,எல்லாரும் தமிழ் தான் ஆனால் ஆங்கிலத்தில் பேசினார்கள்..இந்தியாவின் லஞ்சம் பற்றி..

இவ்வளவு சீக்கிரம் பீட்சா சாப்பிட வேண்டிய இருக்கும் என எதிர்பார்க்க வில்லை..காப்பியில் பால் இல்லை..தண்ணீருக்கும் காசு

5 மணி நேரம் காத்திருப்பிற்க்கும் சண்டைக்கும் பின்னே இன்னொரு பழைய பறவையை கை காமித்தார்கள்

ஏற்றிக்கொண்டது எங்களை பறக்க ஆரம்பித்தது..இந்த முறை விநோதமான சில சபதங்கள் வரவே என்னருகே இருந்த பணிப்பெண் ‘சத்தம் வருத்துல்ல?’ அது முடிக்கும் முன்னரே வேகமாக தலையாட்டினேன்

கேப்டனிடம் பேசிட்டு ‘அது சும்மா பிரசரு ன்னு எச்சி விழுங்கியது’ நான்: ஓ ஓகே

செட்டில் ஆகியது,சீராக போய்க்கொண்டிருந்தது. முன்னர் இருந்த பாக்சில் ஒரு அராபிய படமும், கொரியன் மூவியும் பார்த்தேன்..தமிழ் பாடல்கள் கேட்டேன். தமிழ் படங்கள் சுறாவும்,ஆதியும் இருந்தது.ஏற்கென்வே நொந்து மேகி நுடுல்ஸ் ஆகியிருப்பதால்..இளைய தளபதியை தவிர்த்தேன்.

14 மணி நேர பறப்பிற்க்கு அப்புறம் மெதுவாய் ஜன்னல் எட்டிப்பர்த்தேன் விட்டில் பூச்சிகள் போல விளக்குகள்..சிகாகோ குளிருடன் வரவேர்த்தது

அதிகாரிகளின் கேள்விக்கு பதில் சொல்லி விட்டு,ரெடிமிக்ஸ் அயிட்டம்களை காட்டி விட்டு பேகேஜ்களை எடுத்து கொண்டு இணைப்பு விமானத்தை நொக்கி போனேன்..அந்த ஊருக்கு போகும் கடைசி பஸ்ஸும் போய்விட்டதால் ஓட்டலில் இரவை களிக்க சொன்னார்கள்..இடையில் ஒரு பாகிஸ்தான் பேரழ்கி

இடையில் ஒரு பாகிஸ்தான் பேரழகி ..கிரிக்கெட்டில் மட்டும் தான் உங்களுக்கும் நாங்கள் எதிரி என ப்ரிபேர் பன்ணிக்கொண்டிருந்தேன்..டு யூ நீட் எனி ஹெல்ப் என ஒரு நார்த்தி காய் நகர்த்தினான்

நான் டிவில பார்த்துக்கிறேன் என ஒதுங்கி விட்டேன்.

மறுநாள் காலையில் எழுந்து குளித்து ஓடி கேப் பிடித்து மறுபடியும் குட்டி டிராகனில் ஏறி சின்சினாட்டில் இறங்கி..நண்பனின் அறையை வந்தடைந்தேன்

வணக்கம் அமெரிக்கா…

↧

Cooking channel

September 4, 2019, 11:02 am

≫ Next: வலையில் மேய்ந்த போது

≪ Previous: ஆகாயத்திலிருந்து பார்க்கும் போது

https://nandhavanakit.wordpress.com/

↧

வலையில் மேய்ந்த போது

August 20, 2009, 5:44 am

≫ Next: விகடனில் படித்த பிடித்த கவிதைகள்

≪ Previous: Cooking channel

1.

அழகான கவிதை ஒன்று:
----------------------

அழைத்துப் போய்வந்த

ஆசிரியரின் அத்தனை

கெடுபிடிகளுக்குப் பின்னும்

இன்னமும் நினைவில்
அந்த ஸ்கூல் பயணம்

இன்பச் சுற்றுலா என்றே.

இந்த மாதிரியெல்லாம் எழுதுங்கப்பா :)

2.அமரர் சுஜாதா – சில நினைவுகள்
-------------------------------

நேற்று வலையில் மேய்ந்த போது இதை படித்தேன் ரசித்தேன் நீங்களும் ரசிப்பீங்கன்னு

தமிழின் மிகச் சிறந்த எழுத்தாளர் திரு. சுஜாதா அவர்கள் மறைந்து விட்டாரே. உங்களுக்கு சொல்ல ஏதும் இருக்கிறதா?(இந்த கேள்விய எழுத்தாளர் பாலகுமாரனிடன் கேட்ட போது அவர் அளித்த பதில் தான் கீழே)

சில நினைவுகள் இருக்கின்றன. அவர் மறைவு செய்தியைக் கேட்ட பின் உள்ளுக்குள்ளே அவை மெல்ல சோகத்தோடு மலர்ந்தன.

அப்பொழுது தமிழில் கவிதையில் இருக்கும் அளவுக்கு கதையில் எனக்கு ஆளுமை இல்லை. இப்பொழுது சோழா ஷெரட்டன் ஹோட்டல் இருக்குமிடத்தில் முன்பு ஒரு திருமண மண்டபம் இருந்தது. அந்த திருமண மண்டபத்தில் தினமணி கதிர் பத்திரிக்கையின் சார்பாக, அதன் ஆசிரியராக இருந்த திரு. சாவி அவர்கள் எழுத்தாளர் சுஜாதாவை சென்னை மக்களுக்கு அறிமுகப்படுத்தி வைத்தார்.

மண்டபம் முழுக்க அடர்த்தியான கூட்டம். புதிய உரைநடை எழுதுபவர்கள், புதுக் கவிஞர்கள், சிவப்பிலக்கிய எழுத்தாளர்கள், காதல் கதை எழுதுபவர்கள், துப்பறியும் கதை செய்பவர்கள் என்று பல தரப்பட்ட எழுத்தாளர்கள் அந்தக் கூட்டத்திற்கு வந்திருந்தார்கள். எழுத்தாளர் திரு. மெளனி அவர்கள் வந்திருந்தார்கள். கூட்டம் ஆரம்பிக்கும் முன்பு எழுத்தாளர் திரு. மெளனியிடம் திரு.சுஜாதா போய் தன்னை அறிமுகம் செய்து கொண்டார். திரு. மெளனி அவர்கள் நாங்கள் உங்கள் எழுத்தை படித்ததில்லை, உங்களை பற்றி இவர்கள் சொல்லியிருக்கிறார்கள். அதனால் வந்தேன் என்று சொல்ல, சற்றும் தயங்காமல் நான் உங்கள் எழுத்தை படித்திருக்கிறேன். எனக்கு அது பேருதவி செய்திருக்கிறது என்று சிறிது கூட சலனமில்லாமல் உண்மையான பணிவோடு பதில் சொன்னார். தொட்டதெற்கெல்லாம் சீறி விழும் எங்களை போன்ற இளம் எழுத்தாளர்களுக்கு அந்த பணிவு ஆச்சரியமாக இருந்தது. அந்தக் கூட்டம் மிகச் சிறப்பாக நடைபெற்றது.

கூட்டம் முடிந்த பின் நான் என்னை அறிமுகப்படுத்திக் கொண்டேன். கவிதையில் உள்ள ஆளுமை போல சிறுகதையில் வரவில்லை. சிறுகதை சிந்திப்பது எப்படி என்று தெரியவில்லை என்று நான் கேட்க, இது ஒன்றும் கடினம் இல்லை. நான் சொல்லித் தருகிறேன் என்று சொல்லி ஒரு நேரம் குறிப்பிட்டார்.

நானும், அமரர் சுப்ரமணியராஜூவும் அவருடைய தமையனார் வீட்டிற்கு அருகே உள்ள இடத்தில் காத்திருந்தோம்। எழும்பூரில் டாக்டர் நாயர் பாலத்திற்கு போகும் முன்பு ஒரு சிறிய புல் திடல் இருந்தது। அந்த புல் திடலில் நின்றபடி வெகு நேரம் இலக்கியம் பேசினோம். மறுபடியும் சிறுகதை எழுதுவது எப்படி என்று கேள்வி கேட்க, முதல் வாக்கியத்திலேயே கதையை ஆரம்பித்து விட வேண்டும்.

"நான் ஜன்னலுக்கு அருகே நின்று கொண்டு தலை வாரிக் கொண்டிருந்தேன்। தெருவில் ஒருவன் நடந்து போய் கொண்டிருந்தான். அவனுக்கு தலையே இல்லை" .இது முதல் பேரா.

அடுத்த பேராவில் "அவன் தலையில் ஒரு பானையை கவிழத்து கொண்டு போய் கொண்டிருந்தான்।"என்று எழுது அல்லது "அவன் தலை வெட்டப்பட்டு விட்டது. முண்டம் மட்டும் நடந்து போய் சுருண்டு விழுந்தது"என்று எழுது. முதல் வகை நகைச்சுவை கதை. இரண்டாவது துப்பறியும் கதை. வேறு ஏதாவது விதமாகவும் கூட இதை எழுதலாம். ஆனால் முதல் பேராவில், முதல் வாக்கியத்தில் கதை ஆரம்பித்து விட வேண்டும்.

பொல பொலவென்று பொழுது விடிந்தது. “சார் போஸ்ட்” என்ற சத்தம் கேட்டது. நாளை விடிந்தால் தீபாவளி என்றெல்லாம் எழுதாதே என்று சொல்லிக் கொடுத்தார். என்ன சொல்லப் போகிறோம், எப்படி சொல்லப் போகிறோம் என்று யோசி என்று விவரித்துக் கொடுத்தார். எனக்கு அந்த சந்திப்பு மிக உபயோகமாக இருந்தது.

பிற்பாடு ஒரு கூட்டத்தில் அவர் இருந்த போது அவர் முன்னிலையில் “எனக்கு எழுத சொல்லிக் கொடுத்தது திரு. சுஜாதா அவர்களே” என்று நான் நன்றியோடு இந்த சம்பவத்தை நினைவு கூர்ந்த போது, அவர் மெல்ல எழுந்து வந்து என்னிடமிருந்து மைக் வாங்கி, “நான் ஒரு நூறு, நூற்றைம்பது பேருக்கு எழுத சொல்லிக் கொடுத்தேன். ஒரே ஒரு பாலகுமாரன் தான் புரிஞ்சிண்டான். கத்துக் கொடுக்கிறது ஒன்றும் பெரிய விஷயம் இல்ல. கத்துக்கறது தான் பெரிய விஷயம்” என்று சொன்னார். கூட்டம் கை தட்டி பெரிதாக ஆரவாரித்தது. கூட்டம் முடிந்த பிறகு எனக்கு சொல்லிக் கொடுங்கள். எனக்கு சொல்லிக் கொடுங்கள் என்று பல இளைஞர்கள் திரு. சுஜாதாவை சூழ்ந்து கொண்டார்கள். திரு. சுஜாதா பல பேருக்கு பலதும் சொல்லிக் கொடுத்திருக்கிறார்.

ஒரு கால கட்டத்து இளைஞர்களை வெகு அழகாக தமிழ் இலக்கியத்திற்கு இழுத்து வந்தார். கட்டுரையாயினும் சரி. கதையாயினும் சரி. படிக்க சுவாரசியமாக இருக்க வேண்டும் என்பதை முக்கியமான கட்டளையாக ஏற்று எல்லா படைப்புகளையும் மிக நேர்த்தியாக நெய்து வந்தார்.

எழுத்தாளர் திரு। சாவி அவர்களுடன் பெங்களூருக்கு ஒரு சுற்றுப்பயணம் போனோம்। அதில் எழுத்தாளர் ராணி மைந்தன், சுப்ரமணியராஜூ, விசிட்டர் அனந்த், நான் என்று பலர் இருந்ததாக நினைவு। நாங்கள் எல்லோரும் திரு. சுஜாதா வீட்டிற்கு ஒரு காபி குடிக்க போய் அவரோடு பேசி விட்டு வந்தோம். பல எழுத்தாளர்கள் ஒன்று கூடி ஒரு எழுத்தாளர் வீட்டிற்கு பத்திரிக்கையில் எழுதுவதற்காகப் போனதாய் சம்பவம் உண்டா. இது போல் முன் எப்போதும் நடந்ததில்லை. இனி நடக்குமா என்றும் தெரியவில்லை.

அவரிடம் எல்லோரையும் கவர்ந்திழுக்கும் ஒரு கனிவு இருந்தது. அந்தக் கனிவும், கவர்ச்சியும் அவர் எழுத்திலும் இருந்தது. சுஜாதாவின் மறைவு தமிழ் உரைநடைக்கு ஒரு மிகப் பெரிய இழப்பு. சுஜாதா ஸ்தூலமாக இல்லாது போனாலும் எவரெல்லாம் நல்ல தமிழ் இலக்கியம் படிக்க வேண்டும் என்று ஆசைப்படுகிறார்களோ அவர்களுடைய நெஞ்சில், அவர்கள் ஆசையில் வழிகாட்டியாய் வாழ்ந்து கொண்டிருப்பார்.

↧

விகடனில் படித்த பிடித்த கவிதைகள்

August 20, 2009, 5:51 am

≫ Next: சமீபத்தில் படித்த ஒரு சிறந்த சிறுகதை

≪ Previous: வலையில் மேய்ந்த போது

என்ன செய்வீர்கள் மிஸ்டர் இந்தியன்?

- செழியன், கவிதைகள்

வீட்டுக்கு மேல் போர் விமானங்கள் பறக்க
குழந்தைகளை இழுத்துக்கொண்டு நீங்கள்
ஓடி ஒளியும்போது...
கண்ணெதிரில் உங்கள் வீட்டுப் பெண்கள் கற்பழிக்கப்படும்போது...
உங்கள் சகோதரன் சுட்டுக் கொல்லப்படும்போது...
பட்டினியால் உங்கள் பெற்றோர் இறக்கும்போது...
அப்போதுதான்
போர் என்பது புரியும் எனில்,
அதுவரைக்கும் தமிழர்களே கிரிக்கெட் பாருங்கள்.
அடுத்த தேர்தல் வந்துவிட்டது
வரிசையில் நின்று வாக்களியுங்கள்.

--------------------------------------------------------------------------

பயணத்தில் உங்கள் இருக்கையில்
இன்னொருவர் அமர்ந்துகொண்டு
எழ மறுத்தால் என்ன செய்வீர்கள்?
சாலையில் உங்கள் வாகனத்தை
இன்னொரு வாகனம் இடித்துவிட்டால்
என்ன செய்வீர்கள்?
உங்கள் குழந்தையைப் பள்ளி ஆசிரியர்
காயம் வர அடித்துவிட்டால் என்ன செய்வீர்கள்?
பேருந்தில் உங்கள் மகளை இன்னொருவர் உரசுவதைப் பார்த்தால் என்ன செய்வீர்கள்?
உங்கள் வீட்டுக்குள் அத்துமீறி
சில அந்நியர் புகுந்தால்
என்ன செய்வீர்கள் மிஸ்டர் இந்தியன்?
இறையாண்மை பேசுவீர்களோ?
இதற்கெல்லாம்...
எதிர்த்தலே தீவிரவாதம் எனில்
இலங்கையில் நடப்பதும் அஃதே நண்ப!
ஆர்ப்பாட்டம் நடத்தியாச்சு
ஒப்பாரி வெச்சாச்சு
கண்டனக் கூட்டம் முடிஞ்சுது
கவிதை வாசிச்சாச்சு
கட்டுரைகள் எழுதியாச்சு
ஓவியம் வரைஞ்சாச்சு
ஊர்வலம் போயாச்சு
மனிதச் சங்கிலி
அடையாள உண்ணாவிரதம்
வழக்கறிஞர் போராட்டம்
மாணவர் போராட்டம்
திரையுலகப் போராட்டம்
கடையடைப்பு.
தந்தி அடித்து
மெயில் அனுப்பி
எஸ்.எம்.எஸ். விட்டு
வேலைநிறுத்தம் செஞ்சு
பேருந்துகள் கொளுத்தி
தூதரகங்களை நொறுக்கி
ஜெயிலுக்குப் போயி
சாகும் வரை உண்ணாவிரதமும் இருந்து
அட! பதினேழு பேர் தீக்குளிச்சுச் செத்தும்போயாச்சு.
.....க்காளி... என்னதான்யா செய்யறது இனி!

↧

சமீபத்தில் படித்த ஒரு சிறந்த சிறுகதை

August 20, 2009, 5:51 am

≫ Next: சுஜாதவை மறந்து விட்டோமா

≪ Previous: விகடனில் படித்த பிடித்த கவிதைகள்

விகடனில் இரண்டு மாதங்களுக்கு முன்பு படித்த ஒரு சிறுகதை..இந்த கதையின் முடிவை பற்றியோ இதில் விரவியிருக்கும் ஆபாசம் பற்றியோ நான் கவலைப்பட வில்லை..ஆனால் கதை சொல்லும் விதம்..பாத்திரங்கள் பேசிக்கொள்ளும் வசனங்களில் அப்படி ஒரு துள்ளல்..யதார்த்தம்..காதல்..கிட்ட தட்ட மணிரத்னம் படத்தில் வரும் டயலாக்குகள் போலவே..

நான் திவ்யா. வயது 23. நான் உங்களுடன் கொஞ்சம் பேச வேண்டும். ஒரு பெண்ணாக இதைஎல்லாம் உங்களிடம் சொல்வதில் எனக்கு நிறையத்தயக் கங்கள் உள்ளன. என்னைப் பற்றி கேவலமாகக்கூட நினைப்பீர்கள். ஆனாலும், எனது தலைமுறைஇளம் பெண்களை எச்சரிக்கை செய்ய, இதைச் சொல்ல வேண்டியிருக்கிறது.

நான் ஒரு கால் சென்டரில் பணிபுரிகிறேன். என் டீம் லீடர் வினோத். உயரமாக, அழகாக இருப்பான். அவன் என்னைப் பார்த்த பார்வையில், சில பிரத்யேக வித்தியாசங்கள் தெரிந்தன. பேச்சில் எனது கவனத்தை ஈர்ப்பதற்கான முயற்சிகள் தெரிந்தன.

''நீங்க 'ஒன் நைட் அட் தி கால் சென்டர்'படிச் சிருக்கீங்களா திவ்யா?''

''ம்... சேட்டன் பகத்''

''பீஸ் ஆஃப் மீ கேட்டிருக்கீங்களா?''

''ம்... பிரிட்னி ஸ்பியர்ஸ். இங்க பாருங்க... ஒரே ரசனை இருந்தா லவ் என்பதெல்லாம் ஓல்டு ஸ்டைல். இந்த ஃபிலிமெல்லாம் காட்டாமலே உங்களுக்கு ஃபிகருங்க விழும்.''

''நீங்க விழுந்துட்டீங்களா?''

''ம்... விழறப்ப சொல்லிவிடுறேன். வந்து தூக்கிவிடுங்க.''

பிறகு வந்த நாட்களில் சிறிது சிறிதாக என்னை நெருங்கினான். ''உங்க வாய்ஸ் நல்லா இருக்குங்க திவ்யா...'', ''உங்க கண்ணு அழகா இருக்குங்கதிவ்யா...'', ''நீ ரொம்ப அழகா இருக்க திவ்யா...''

என்றபோதெல்லாம் நியாயமாக அவனைக் கண்டித்திருக்க வேண்டும். ஆனால், வெட்கத்துடன் ''தேங்க்ஸ்''என்றேன்.

வினோத் என்னை மேலும் மேலும் நெருங்கினான். ஒரு பிப்ரவரி 14-ல் பாரிஸ்டர் காபி ஷாப்பில், ''எனக்கு உன் மேல, டைரக்டர் பாலாஜி சக்திவேலோட இரண்டாவது படம் வந்தி ருச்சு''என்றான்.

''என்ன வந்திருச்சு?''என்றேன் புரியாமல்.

''காதல்''என்றபடி ரோஜாப் பூவை நீட்டினான்.

நான் பதில் ஒன்றும் சொல்லவில்லை.

''என்ன திவ்யா யோசிக்கிற? இதுதான் என் கடைசி ஜென்மம்னு ஜோசியக்காரர் சொல்லியிருக்காரு. என் கடைசி ஜென்மக் காதலை ஏத்துக்க திவ்யா!''

''எங்க ஜோசியர் எனக்கு அரேஞ்டு மேரேஜ்தான்னு சொல்லியிருக்காரே.''
''ப்ச்... அப்ப சான்ஸே இல்லையா?''

''ம்ஹூம்!''என்றேன் சிரித்தபடி.
''ஷ்யூர்?''

''ஷ்யூர்?''

''இதுல ஒண்ணும் மாற்றம் இருக்காதே. அப்புறம் நாளைக்கு வந்து, நான் குப்புறப்படுத்து யோசிச்சுப் பார்த்தேன். எனக்கும் குபீர்னு காதல் வந்துருச்சுன்னு சொல்லக் கூடாது.''
''சான்ஸே இல்லை.''

''அப்ப சரி...''என்று எழுந்தான்.

''ஏய், எங்க போற?''

''வாய்ப்பே இல்லைன்னுட்ட. அதுக்குப் பிறகு எதுக்கு டைம் வேஸ்ட் பண்ணிக்கிட்டு? அந்த மூணாவது டேபிள் பொண்ணு தனியா உட்கார்ந்து ரொம்ப நேரமா என்னை வெறிச்சுப் பாத்துட்டிருக்கு. போய் என்ன ஏதுன்னு விசாரிக்கிறேன். எக்ஸ்ப்ரெஸ்ஸோ வந்துச்சுன்னா, அப்படியே அந்த டேபிளுக்கு அனுப்பிடு.''

''யு ராஸ்கல்''என்று அவன் தலைமுடியைப்பிடித்து உலுக்கி உட்காரவைத்து, ''ஒரு மாசத்துக்கு முன்னாடியே உன்னை லவ் பண்ண ஆரம்பிச்சுட்டேன்''என்றேன்.

அன்று முதல் சட்டென்று வாழ்க்கையில் எல்லாம் மாறிப்போய்விட்டது. ஆடைகள் அணிவதில் திடீர்என்று கூடுதல் அக்கறை. அம்மாவுடன் பேசிக்கொண்டு இருக்கும்போதே, திடீரென்று கவனம் நழுவுகிறது. டி.வி-யில் காதல் பாடல்கள் போடும்போது, சேனலை மாற்றுவதில்லை. எதிரில் வரும் முகம் தெரியாதவர்களை நோக்கிப் புன்னகைக்கத் தோன்றுகிறது. வினோத்தை காணாதபோது தவித்து, கண்டபோது சிலிர்த்து என... எவ்வளவு அழகான நாட்கள் அவை!
சென்னைக் காதலர்கள் இலக்கணப்படி ஒருநாள் கடற்கரைக்குச் சென்றிருந்தோம். வினோத் அமைதியாக உட்கார்ந்திருந்தான்.

''என்ன வினோத்? சும்மா உட்கார்ந்திருக்க...''என்றேன்.

''நீ இவ்வளவு வெளிப்படையா இருப்பேன்னு நினைக்கவே இல்லை திவ்யா. இன்னும் கொஞ்சம் இருட்டட்டுமேன்னு பார்த்தேன். ஆனாலும் நீ படா ஸ்பீடும்மா!''என்று வினோத் பரபரவென்று கைகளைத் தேய்த்தபடி என்னை நெருங் கினான்.

''ஐயோ... ஒண்ணும் பேசாம உட்கார்ந்திருக்கி யேன்னேன்...''

''பேச்செல்லாம் காதலிக்கிறதுக்கு முன்னாடிதான். இப்போ ஒன்லி ஆக்ஷன்!''என்று தோளில் கைவைத்தான். நான் சட்டென்று அவன் கை யைத் தட்டிவிட்டேன்.

''இதுக்குத்தான் என்னை லவ் பண்றியா வினோத்?''

''இந்த ஆப்பிள் ஃப்ளேவர்டு காண்டம் யுகத் துல தொடாம எப்படி லவ் பண்ண முடியும் திவ்யா?''

''தொடாமக் காதலிக்கிறதுக்குப் பேருதான் காதல். தொட்டா, அதுக்குப் பேரு வேற.''

''மை காட்... திவ்யா நீ எந்தக் காலத்துல இருக்க? நேத்து காதலிக்க ஆரம்பிச்சவன்லாம் மகாபலிபுரம் தள்ளிட்டுப் போயி...''என்ற வினோத்தின் பேச்சில் குறுக்கிட்ட நான், ''தள் ளிட்டுப் போயி...''என்றேன் கோபமாக.
''தள்ளிட்டுப் போயி அர்ச்சுனன் தபஸ் சிற்பத்தைப் பாத்துட்டு வர்றாங்கன்னு சொல்ல வந்தேன்''என்ற தும், நான் கோபம் தணிந்து சிரித்தேன்.
ஒருநாள் இந்திப் படம் பார்த்தோம். படத்தின் பெயர் 'கோல்'. அதில் ஜான் ஆப்ரஹாமும் பிபாஷா பாசுவும் பரிமாறிக்கொள்ளும் ஒரு சூடான முத்தக் காட்சி இருந் தது.

பார்த்துவிட்டு அருகிலிருந்த ஐஸ்க்ரீம் பார்லருக்குச்சென் றோம். தனி கேபின். அந்த கேபின் முக்கால் கதவால் மறைக்கப்பட்டு, காதலர்கள் இடுப்புக்கு மேல்பட்ட காரி யங்களை முடித்துக்கொள்வதற்கு வசதியாக இருந்தது.
''படம் எப்படி?''என்றான் வினோத்

''கடைசில விறுவிறுப்பா இருந்துச்சு. ஆனா, கிஸ் ஸீன்லாம் ஓவர். அப்படி என்னதான் கிஸ்ஸூல இருக்கோ? மாஞ்சு, மாஞ்சு கொடுத்துக்குறாங்க.''

''என்ன இருக்கோவா? உடம்போடு உடம்பு ஒட்டி, சூடா மூச்சுக் காத்து முகத்துல பட... முதல்ல கன்னத்துல உதட்டப் பதிச்சு, அப்படியே நகர்ந்து வந்து, மேலுதட்டுக்கு மேலஇருக் குற வியர்வையை உதட்டால ஒத்தி எடுத்துட்டு, அப்படியே கீழுதட்டுக்கு வந்தா...''என்று வினோத் சொல்லச் சொல்ல... எனது உடலுக்குள் அனல்காற்று சுழன்றடித்தது.

''இப்படி இருக்கும்''என்று என்னை நெருங்கிய வினோத். இடுப்பை லேசாக அணைத்தபடி மேலே சொன்ன காரியங் களை எல்லாம் அட்சரம் பிசகாமல் செய்ய... விலகி மூச்சு வாங்கினேன். வாட்சைப் பார்த்து... ''சரியா ஒன்றரை நிமிஷம்''என்றான்.

''ச்சீ!''என்று வெட்கப்பட்டேன்.

''இங்க பார்றா... நான் நகர்ந்தப்ப என் சட்டைக் காலரை விடாமப் பிடிச்சுக்கிட்டு இப்ப வெட்கத்தைப் பாரு.''

''ஐயோ வினோத்.''என்று நான் சிணுங்கியபடி அவன் நெஞ்சில் மாறி மாறி அடிக்க, அப்படியே இழுத்து என் உதடுகளை மீண்டும் கவ்விக்கொண்டான் வினோத்.
இப்படித்தான் அந்த முதல் ஸ்பரிசம் ஆரம்பித்தது. பிறகு முத்தங்கள் தொடர்ந்தன. இரவு ஷிஃப்ட்டுகளின்போது, சர்வர் ரூமில், பாத்ரூம் செல்லும் பாதை மறைவு இருட்டில் என்று முத்தங்களை வழங்கிக்கொண்டே இருந்தான்.
வினோத் எம்.எம்.எஸ். ஸ்கேண்டல் என்று வரிசையாக கெட்டக் கெட்ட க்ளிப்பிங்குகளாக அனுப்பிக்கொண்டே இருந்தான். அதையெல்லாம் பார்க்கக் கூடாது என்று நினைத்தாலும் பார்க்காமல் இருக்க முடியவில்லை.
ஒருநாள் இரவு ஷிஃப்ட் முடிந்து கிளம்பும்போது, ''திவ்யா, நாளைக்கு உன் பர்த்டே வருதுல்ல. உங்க வீட்லயும் எல்லாரும் கோயம்புத்தூர் போயிருக்காங்கள்ல... அதனால ஈ.சி.ஆர். ரிசார்ட்ஸ் ஒண்ணுல உன் பர்த்டே பார்ட்டிக்கு ஏற்பாடு செஞ்சிருக்கேன்.''

''ஏய்... ரிசார்ட்ஸெல்லாம் எதுக்கு?''

''அதான் இப்ப ஃபேஷன். பத்து பேரை இன்வைட் பண்ணியிருக்கேன். நம்ம ரேஷ்மா, சுனில், பரணி எல் லோரும் சர்ப்ரைஸா வர்றாங்க. நாளைக்கு நைட் ஷிஃப்ட் முடிஞ்சவுடனே நேரா ரிசார்ட்ஸ் போயிடலாம்.''
நண்பர்கள் எல்லாம் வருகிறார்கள் என்றவுடன் தயக்கம் இல்லாமல் ''சரி..''என்றேன்.

மறுநாள் காலை. இரவு ஷிஃப்ட் முடிந்து கிளம்பும்போது, ''இப்ப நேரா ரிசார்ட்ஸ் போறோம்''என்றான்.

''அவங்களெல்லாம் எத்தனை மணிக்கு வர்றாங்க?''

''லெவன் ஓ கிளாக்.''

''ஏய்... இப்ப மணி ஏழுதான் ஆவுது.''

''நீ குளிச்சு, புது டிரெஸ் எல்லாம் போட்டு ரெடியாக வேண்டாமா?''
எனக்கு எதுவும் சரியாகப் படவில்லை. இருப்பினும் நம்மை மீறி என்ன நடந்துவிடும் என்ற தைரியத்தில் ''சரி''என்றேன்.
''உனக்கு மெயில்ல ஒரு லவ் லெட்டர் அனுப்பியிருக்கேன். கிளம்புறதுக்கு முன்னாடி படிச்சுட்டு வா.''
''அதான் தினம் நேரில் பாக்கறோமே. அப்புறம் என்ன லெட்டர் வேற?''
''இன்னைக்கு உன் பிறந்த நாள். அதைமுன் னிட்டு ஒரு சிறப்புக் கடிதம். போய் பாத்துட்டு வா. நான் கீழே பார்க்கிங்ல வெய்ட் பண் றேன்..''என்றான்.
மெயில் ஒப்பன் செய்தேன். முதலில் நாகரி கமாக ஆரம்பித்திருந்த கடிதம், போகப்போக செக்ஸியாக மாறியது. வினோத் நேற்று ஒரு கனவு கண்டதாகவும், அதில் எங்களின் இரண்டு உயிர்களும் உடல்களும் ஒன்றாகக் கலந்துவிட்டதாகவும் தெரிவித்து, இரண்டு உடல்களும் எவ்வாறு கலந்தன என்பதைவிலா வாரியாக விளக்கியிருந்தான். மனசு படிக்க வேண்டாம் என்று தடுத்தாலும் உடல் படிக்கத் தூண்டியது. முழுவதும் படித்து முடித்தபோது உடம்பெல்லாம் தீப்பற்றி எரிவது போல் இருந் தது.

''ரொம்ப செக்ஸியா எழுதியிருக்க...''என் றேன். ''கண்ட கனவைத்தான் எழுதினேம்ப்பா''என்றான்.
பைக்கில் செல்லும்போது வழக்கத்தைவிட இறுக்கமாக வினோத்தை அணைத்துக்கொண் டேன்.

ஒரு மணி நேரத்தில் ரிசார்ட்ஸில் இருந்தோம். கேட்டைத் தாண்டியவுடன் எதிர்ப்பட்ட ரிசப்ஷனுக்குச் சென்றான். ''காட்டேஜ் நம்பர் 310''என்றான். சாவியை வாங்கிக்கொண்டு நடந்தோம். ஆங்காங்கே புதிதாக நட்டிருந்த மரங் கள், லேசாக நிழல் தந்துகொண்டு இருந்தன. இரவு பார்ட்டி முடிந்தவர்கள், காரில் களைப்புடன் திரும்பிக்கொண்டுஇருந் தார்கள். ஸ்விம்மிங்பூலில் ஒன்றிரண்டு வெள்ளைக்காரர்கள் மட்டுமே இருந்தனர். ரெஸ்டாரென்ட்டைக் கடந்து இடது பக்கம் திரும்பியதும் அந்த காட்டேஜ். எதிரே சிறிது தூரத்திலேயே கடற்கரை. யாரும் இல்லை. அலைச் சத்தம் மட்டுமே. ஏனோ தெரியவில்லை, இதையெல்லாம் ரசிக்க முடியாமல் மனதினுள் ஒரு பாரம்.

காட்டேஜுக்கு வெளியே பால்கனி. உள்ளே நுழைந்தவுடன், ஒரு ஹால், பிறகு பெட்ரூம். உள்ளேயே பாத்ரூம். பாத்ரூம் என்றால், பெட்ரூமை ஒட்டியே கண்ணாடியால் தடுக்கப்பட்ட பாத்ரூம். பெட்ரூமிலிருந்து குளிப்பதைக் காண முடியும். சற்றே மங்கலாகத் தெரிந்தாலும் பார்க்க இயலும்.
படுக்கையில் தொப்பென்று விழுந்த வினோத், ''போய் குளிச்சுட்டு வந்துடு''என்றான்.

நான் பாத்ரூமில் குளித்துக்கொண்டு இருந்தபோதே வினோத் ''நானும் குளிச்சுடுறேன்''என்று வந்ததும், என்னை அணைத்ததும், நான் பலவீனமாக மறுத்ததும், அதற்கு மேல் என்ன நடந்திருக்கும் என்று நான் சொல்லித் தெரியவேண்டியதில்லை. ''வேண்டாம் வினோத், இதெல்லாம் தப்பு.''என்பது போன்ற எனது சம்பிரதாயமான மறுப்புகள். ''அடுத்த வருஷம்கல்யா ணம் பண்ணப்போறோம். என் மேல நம்பிக்கை இல்லையா?''என்பது போன்ற வினோத்தின் சம்பிரதாயமான வாக்குறுதிகள். முத்தங்கள்... ஆடை கலைப்புகள்...
வினோத் அனுப்பியிருந்த மெயிலைப் பார்த்துவிட்டுஉணர்ச் சிகள் தூண்டப்பட்டு முற்றிலும் தயார் நிலையில் எனது உடல் இருந்தது. என்னை வீழ்த்துவது வினோத்துக்கு அதிகச் சிரமமில்லாத விஷயமாக இருந்தது. எல்லாம் முடிந்த பிறகு மீண்டும் சம்பிரதாயமாக ஓர் அழுகை. ''ஸாரி திவ்யா... திஸ் இஸ் ஃபர்ஸ்ட் அண்ட் லாஸ்ட்''என்றான்.

நானும் அப்படித்தான் நினைத்தேன். ஆனால், வினோத்தின் காரியங்களும் எனது 23 வயதும் அதற்கு அனுமதிக்கவில்லை. வினோத் தொடர்ந்து என்னைத் தூண்டிக்கொண்டே இருந்தான். போனில், அன்றைக்கு நடந்ததை விவரித்து சொல்லி, சூடேற்றுவான். பிறகு மெயிலில் ஏதாவது பலான காட்சிகளை அட்டாச் செய்து அனுப்புவான். இப்படியாக வினோத் எனது உடலை, தொடர்ந்து ஒரு கொதிநிலையிலேயே வைத்திருந்தான்.

உடல் ருசி கண்ட பூனையாய் அலைந்தது. ரிசார்ட்ஸ்களிலும், வினோத்தின் பிரம்மச்சாரி நண்பனின்அறை யிலும் அடிக்கடி வெட்கம் துறந்தேன். ஆடைகலைந் தேன். ஒரு கட்டத்தில் எங்கள் வீட்டில் ஆளில்லாத சமயங்களில் நானே வினோத்தைக் கூப்பிட ஆரம்பித் தேன்.

வினோத் திட்டமிட்டு எனது உடல் உணர்வுகளைத் தூண்டி என்னைப் பயன்படுத்திக்கொள்கிறான் என்பதை நான் உணரத் துவங்கியபோது, ஒரு வருடத்துக்கும் மேல் ஆகியிருந்தது. அதே சமயத்தில், வினோத்தும் என்னிடமிருந்து கொஞ்சம் கொஞ்சமாக விலகத் தொடங்கினான். என்னைப் பார்க்கும்போது முகத்தில் அந்த பழைய மலர்ச்சி இல்லை. பழைய கேலி கிண்டல் இல்லை.
இதற்கிடையே நிறைய சம்பளம் என்று வேறு ஒரு கம்பெனிக்கு வேலை மாறினான். புதிய கம்பெனியில் சேர்ந்த பிறகு, கொஞ்சம் கொஞ்சமாக என்னைத் தவிர்க்க ஆரம்பித்தான். அவனாகவே போன் செய்வதில்லை. நானே போன் செய்தாலும் கடனே என்றுபேசிவிட்டு கட் செய்துவிடுவான். நேரில் பார்க்கலாம் என்றால், புதிய கம்பெனியில் நிறைய வேலைகள் என்று தவிர்த்துவிடுவான். வினோத்துக்கு நான் சலித்துப் போய்விட்டதாக உணரத் துவங்கிய சமயத்தில், அந்த தகவல் வந்து சேர, நான் அதிர்ந்தேன்... வினோத் புதிய கம்பெனியில் பணிபுரியும் ஒரு பெண்ணுடன் சுற்றிக்கொண்டு இருப்பதாகக் கேள்விப்பட்டு நேரில் சென்று விசாரித்தேன்.

வினோத் சினிமாக்களில் வரும் வில்லன் போல, ''ஆமா, நீகேள்விப் பட்டது உண்மைதான். அதுக்கு என்ன இப்ப?''என்றான் அலட்சி யமாக.
''கொஞ்சம்கூட மனச்சாட்சி இல்லாமப் பேசறியே வினோத். உனக்காக எல்லாத்தையும் கொடுத்தேன்''என்றேன் கண்ணீருடன்.
''அதான், அதனாலதான் வேணாங்கிறேன்.''

''என்ன வினோத் சொல்ற?''என் றேன் குழப்பத்துடன்..

''வந்து திவ்யா, சொன்னா உனக்குக் கஷ்டமா இருக்கும். அதுக்குன்னு உண்மையைச் சொல்லாம இருக்க முடியாது. நீ வந்து செக்ஸ்ல கொஞ்சம் வீக்கு. உனக்கு கன்ட்ரோல் பத்தாது. நீயாவே உங்க வீட்டுக்குக் கூப்புடற அளவுக்கு வீக்கா இருக்க. உன்னைக் கல்யாணம் பண்ணிட்டு, உன்னை வேலைக்கு அனுப்பிட்டு என்னால நிம்மதியா இருக்க முடியாது. வேலைக்குப் போகாம வீட்டுல இருக்கேன்னு சொன்னாலும், உன்னை நம்பி வீட்டுலவெச்சுட்டு என்னால நிம்மதியா வேலைக்கும் போக முடியாது''என்று வினோத் கூற, பாய்ந்து அவன்சட்டையைப் பிடித்தேன்.

''நாளைக்கு என் புருஷனாகப் போறவன்னு நம்பித்தாண்டா என் உடம்பைக் கொடுத்தேன். என்னைத் தூண்டிவிட்டு அனுபவிச்சுட்டு, இப்ப நீயே என்னை செக்ஸ்ல வீக்குன்னுசொல்றியேடா. உன்னை நான் சும்மாவிட மாட்டேன்!''

''திவ்யா, பிரச்னை பண்ணாமப் போயிடு. இல்லேன்னா, நாம நெருக்கமா எடுத்துக்கிட்ட போட்டாவை எல்லாம் ஏதாச்சும் வெப்சைட்ல போட்டு விட்ருவேன்''என்று வினோத் கூற, நான் அதிர்ச்சியில் உறைந்துபோனேன். இயலாமையில் அழுகை வந்துவிட்டது.
அழுதேன். அழுகிறேன். இன்னும் அழுதுகொண்டே இருக்கிறேன்

↧

சுஜாதவை மறந்து விட்டோமா

August 20, 2009, 8:47 am

≫ Next: சுஜாதா வாரம் -4

≪ Previous: சமீபத்தில் படித்த ஒரு சிறந்த சிறுகதை

சுஜாதா வாரம் -3 ....சுஜாதாவை பற்றி

சுஜாதாவை பற்றி மனோஜின் எழுதிய பதிவு ..தலைவரின் எழுத்து திறமைக்கு ஒரு எடுத்துகாட்டு

சுஜாதா பற்றிய திரு மனோஜின் கட்டுரை கீழே .....................

சுஜாதாவை நினைக்கும்போது உற்சாகம் கொப்புளிக்கும் ஓர் இளைஞனின் பிம்பம்தான் எப்போதும் நம் நினைவுக்கு வரும். இளமைத் துள்ளல் என்பதுதான் அவரைக் குறிக்கும் வர்ணனையாக இருக்கும். அவரது பாணியைப் பின்பற்றி எழுத வந்தவர்கள் என சிரத்தையாக ஒரு பட்டியலையிட்டால் அது நூற்றுக்கணக்கில் வரும். நவீன தலைமுறை எழுத்தாளர்களிடம் அவரது பாதிப்பு இல்லாமல் இருப்பது அபூர்வம்.

அவரது மறைவை செரித்துக்கொள்ள இயலாமல் தமிழ் எழுத்துலகம் தடுமாறியதை சமீபத்திய இதழ்கள் அனைத்திலும் காணலாம். அச்சு ஊடகத்தில் மட்டுமல்ல வலையுலகிலும்தான். தமிழ்மணம் எனும் வலையுலகத் திரட்டியைத் திறந்தால் சுஜாதா தொடர்பான எண்ணிலடங்கா கட்டுரைகள் இன்னும் வந்துகொண்டிருப்பதைக் காணமுடியும்.

மொழியில் வேகத்தையும் நளினத்தையும் தெறிப்புகளையும் உண்டாக்கிய எழுத்து சுஜாதாவினுடையது. அந்த ஈர்ப்புதான் என்னையும் எழுத வைத்தது. மதுரையில் ஆயுதப்படை காவலர் குடியிருப்பில்தான் என் பால்யம் கழிந்தது. அங்கு ஓர் அற்புதமான நூலகம் இருந்தது. சிறுவயதில் அந்நூலகத்தில்தான் சுஜாதாவின் படைப்புகள் அனைத்தையும் தேடித் தேடி படித்து மன விசாலம் அடைந்தேன்.

சுஜாதாவின் கதைகளில் இருக்கும் உத்தி சோதனை , வார்த்தைகளின் வித்தை , பகடி ஆகியவைதான் என் ஆரம்பகால ஈர்ப்பாக இருந்தது. தனது தொகுப்பைக் கூட தனித்துவமாக அளித்தார். ” சிறுகதை எழுதுவது எப்படி ? “ என்று சுஜாதா எழுதிய நூல் ஒன்று அப்போது எனக்கு நூலகத்தில் காணக் கிடைத்து. ‘ ஆஹா நமது ஆசானாக நின்று சிறுகதைக் கலையை சுஜாதா சொல்லித்தரப் போகிறார் ‘ என்று ஆவலோடு எடுத்துப் பிரித்தேன். என்ன ஏமாற்றம். அது ஒரு சிறுகதைத் தொகுப்பு. அதில் உள்ள ஒரு கதையின் பெயர்தான் ” சிறுகதை எழுதுவது எப்படி ? ” . சிரித்துவிட்டேன். பகடியும் நகைச்சுவையுமாக இருக்கும் ஒருவரிடம் எப்போதுமே மானசீக நெருக்கம் ஏற்பட்டு விடும். அந்தப் பகடி ஈர்ப்பில் ஒட்டிக்கொண்டுதான் கடைசி வரை சுஜாதா ரசிகனாகவே இருந்தேன்.

சுஜாதா இத்தனை புகழ் அடைந்ததற்கு அவரது பல்துறை ஞானமே காரணம். சிறுகதை , நாவல் , கவிதை , கட்டுரை , பயண இலக்கியம் , அறிவியல் புனைகதை , இதழாசிரியர். பொறியிலாளர் , மின்னணு வாக்குப் பதிவு இயந்திரக் கண்டுபிடிப்பாளர் , இணைய இதழ் ஆசிரியர் , திரைக்கதையாசிரியர் , வசனகர்த்தா என அவர் இயங்காத துறைகளே இல்லை. எல்லாவற்றிலும் தடம் பதித்தார்.

இணையத் தேடிகள் பிராபல்யம் அடையாத காலத்தில் சுஜாதா எழுதிய விஞ்ஞான கேள்வி - பதில்கள் தமிழ் வாசகர்கள் பலருக்கு அறிவுச் சுரங்கமாக இருந்தது. ரசித்துப் படித்தனர். விகடன் குழுமத்தில் பல பதிப்புகளாக ‘ ஏன் – எதற்கு - எப்படி ? ‘ புத்தகம் வந்தது இதற்கு சான்று. அதில் உள்ள நகைச்சுவை அம்சத்துக்காவே , விஞ்ஞான ஆர்வம் இல்லாத பலரும் இதைப் படித்துவந்தனர்.

பாம்பு கடித்தால் வாயில் நுரை தள்ளுவது ஏன் ? என்ற கேள்விக்கு விஞ்ஞானபூர்வமாக பதில் எழுதியிருப்பார். இறுதியில் இப்படி வரும்: ....நுரையை விரலால் தள்ள முயற்சிப்பார்கள். மூச்சுத் திணறும். மூச்சு நின்று போய் சில நிமிஷங்களில் இதயம் நின்றுபோகும். அதற்குள் உயிலில் கையெழுத்து வாங்கிவிடுவது நல்லது.

இன்னொரு கேள்வி.

“ மலைகள் இல்லாவிட்டால் உலகம் என்ன ஆகும் ? “

பதில்: ரோடு போடக் கல் கிடைக்காது.

வெகுஜன இதழ்களில் அவரது படைப்புகள் தொடர்ந்து வெளிவந்தபோதிலும் சிற்றிலக்கிய ஏடுகள் மீது அவர் தனிப்பிரியம் கொண்டிருந்தார். அதை தொடர்ந்து அவதானித்து வந்தார். நவீன தமிழிலக்கியவாதிகளின் படைப்புகள் அனைத்தையும் படித்திருந்தார். தனது பத்திகளில் தகுந்த சமயங்களில் அதைக் குறிப்பிட்டு எழுதியும் வந்தார். அந்த சிற்றிலக்கிய உலகம் தன்னை அங்கீகரிக்காததைப் பற்றி அவர் கவலை ஏதும் கொஷீமீளவில்லை. அதை ஒரு பரிகசிப்போடு கடந்து சென்றார். அதனால்தான் அவரால் எத்தனையோ ஆக்கங்களை சோர்விலாது படைக்க முடிந்தது.

உணர்ச்சி கவிந்து குவியும் எழுத்து அவர் பாணியல்ல. எளிய முறையில் சொல்லிச் சென்றுவிடுவார். ஆழமும் நுட்பமும் இல்லை என விமர்சகர்கள் அங்கலாய்த்துக் கொண்டிருப்பார்கள். அவரது ‘ குருபிரசாத்தின் கடைசி தினங்கள் ‘ மற்றும் ‘ காகிதச் சங்கிலிகள் ‘ ஆகிய இரு நாவல்கள் இந்த உணர்ச்சி வகையிலானவை. தான் எழுதிய நாவல்களிலேயே தன்னைப் பாதித்த இரு நாவல்கஷீமீ என்று இவற்றைத்தான் சுஜாதாவும் சுட்டிக் காட்டியிருக்கிறார். பணி ஓளிணிவுக்குப் பின் அம்பலம் இணைய இதழில் அவர் பெரும் உற்சாகத்தோடு பங்கெடுத்தார். அதில் வந்த கேள்வி பதில்கள் பிரசித்தி பெற்றவை.

உதாரணமாய் சில:

“குற்றாலத்திற்கு எந்த இடத்தில் இருந்து தண்ணீர் வருகிறது ? “

மன்னிக்கவும். நான் ஃபால்ஸ் இன்ஃப்ர்மேஷன் தருவதில்லை.

” ஏகலைவன் , அர்ஜுனன் , கர்ணன் - யார் சிறந்த வில் வீரன் ? “

ஏகலைவன். மற்ற இரு ரெகுலர் கல்லூரி மாணவர்களுக்கு இணையாக , அஞ்சல் வழிக் கல்வியிலேயே தேர்ச்சி பெற்றதால்!

” ஏ.ஆர். ரஹ்மான் பற்றி ? “

தோற்றத்தில் பயல் ; ஆற்றலில் புயல்

” ஒன்றுக்கு மேற்பட்ட எண்ணிக்கையாக இருந்தால் , ‘ கள் ‘ சேர்த்துக் கொள்கிறோம். (உ-ம்) பறவை , பறவைகள். ஆனால் 1330 இருந்தும் அதனை திருக்குறள் என்றுதானே சொல்கிறோம். திருக்குறள்கள் என்று சொல்வதில்லையே. ஏன் ? “

திருக்குறள் கள்ளை அனுமதிப்பதில்லை.

” நவீன ஓவியங்கள் புரியவில்லையே எனக்கு ? என்ன செய்ய ? “

மாடர்ன் ஆர்ட்டின் நதிமூலம் , ரிஷிமூலம் பார்க்காதீர்கள். அதைப் புரிந்து ரசிக்க வேண்டுமானால் , தொடர்ந்து ஆதிமூலம் பாருங்கள்.

இப்படி எண்ணற்ற கேள்வி - பதில்களில் ஜாலங்களைக் காட்டியிருப்பார். ‘ சிடுமூஞ்சி அகராதி ‘ என்ற ஒன்றையும் சுஜாதா தொகுத்திருக்கிறார். தனது நண்பர் எழுதிவைத்த அகராதி அது என்று அவர் சொன்னாலும் , அந்த அகராதியை எழுதியவர் சுஜாதாதான் என்பது எல்லோருக்கும் தெரியும்.

அந்த அகராதியில் இருந்து சில:

அன்னை - தியாகத்தின் மறுபெயர் , அன்பின் வடிவம் , மாமியார் ஆகும்வரை.

பாப்பா - அழுகை , பால் , அழுகை.

பிஸ்கட் - பாப்பாவுக்குக் கொடுக்க என்று வாங்கி நாம் சாப்பிடுவது.

நல்ல அதிகாரி - லஞ்சத்தை சரிசமமாக பங்கு கொடுப்பவர்.

‘ பிரதியின் இன்பம் ‘ என்பதை உணர சுஜாதாவின் படைப்புகளைப் படித்தால் போதும். அவரது மறைவு ஈடு செய்ய முடியாதது. சுஜாதா இருந்திருந்தால் , இந்த வாக்கியத்தைப் படித்து , ‘ இந்த க்ளிஷே ’ வை விடவே மாட்டீர்களா ‘ என்று சொல்லியிருப்பார்.

சுஜாதாவின் மறைவை ஒட்டி எண்ணற்ற இதழ்களும் , எண்ணற்ற எழுத்தாளர்களும் அவரது புகழ்பாடிக் கொண்டிருக்கின்றனர். இப்போதும் எனக்கு அவர் ‘ சிடுமூஞ்சி அகராதி ‘ யில் எழுதிய ஒன்றுதான் நினைவுக்கு வருகிறது.

ஆபிச்சுவரி (இரங்கற்பா) - தாமதப் புகழ்ச்சி.

↧

சுஜாதா வாரம் -4

August 25, 2009, 12:49 am

≫ Next: சுஜாதா வாரம் -5 ....சுஜாதாவின் கட்டுரை

≪ Previous: சுஜாதவை மறந்து விட்டோமா

சுஜாதாவின் கதைகள் இன்னும் கொஞ்சம்

பொதுவாழ்வு
-------------

'இன்றிரவு எட்டு ம்ணிக்கு ஷெர்ட்டனில் சந்திக்கலாம். நீல சாரி அணிந்திருப்பேன். மெரூன் பார்ட்ர்'மனைவி வருவதை கவனித்து சட்டென்று அதன் குறிப்பை கிழித்துப் போட்டான்.

"என்னங்க அது?"

"ஒண்ணுமில்லை ஒரு மீட்டிங்குக்கு சீட்டு அனுப்பி கூப்பிட்டிருக்காங்க. போகணும்."

"இன்னைக்குமா? தினப்படி மீட்டிங் ஆயிடுத்தே உங்களுக்கு"

"என்ன பண்றது... பொது வாழ்வுன்னா அப்படித்தான்."

"முந்தாநேத்து கொரில்லா இனத்தை காப்பாத்தறது
பற்றி மீட்டிங்னீங்க, நேத்து குடும்பக்-கட்டுப்பாடுன்னீங்க... இன்னிக்கு?"

"எய்ட்ஸ் விழிப்புணர்வு."

எப்படி
------

என் நண்பனுடன் ஒரு வாக்குவாதத்தின் இறுதியில் நான் சொன்ன வார்த்தைகள் தெளிவாக, அழுத்தமானதாக இருந்தன.

"நான் சொல்வதுதான் சரி. கடவுள் இல்லை. கடவுளை நம்பினவன் முட்டாள். வாழ்க்கை அர்த்தமற்றது."

இதை நிரூபிப்பதற்கு என் துப்பாக்கியை வெளியில் எடுத்தேன். அதன் முனையை என் நெற்றியில் வைத்துக்கொண்டேன். அதன் விசையை அழுத்தினேன். என் மூளை வெடித்துச் சிதறியது. இன்னும் ஒரே விஷயம் மட்டும் என்னைத் தொந்தரவு செய்கிறது. அதை மட்டும் என்னால் வியக்காமல் இருக்க முடியவில்லை. நான் சொன்ன்து சரியென்றால் எப்படி என்னால் இதை எழுத முடிகிறது?

↧

சுஜாதா வாரம் -5 ....சுஜாதாவின் கட்டுரை

August 27, 2009, 7:57 am

≫ Next: தமிழ் இ புத்தகங்கள் இலவசமாக

≪ Previous: சுஜாதா வாரம் -4

இன்றோடு முடிகிறது சுஜாதா வாரம்..இது வரை படித்தவர்களுக்கு நன்றி இதையெல்லாம் என்னோட பாவரைட் கட்டுரை இதோ

................

மே மாதம் மூன்றாம் தேதி, எனக்கு எழுபது வயது நிறைகிறது. இதற்கான அடையாளங்கள் என்ன என்று யோசித்துப் பார்க்கிறேன். மெரீனாவில் நடக்கும்போது எதிர்ப்படுபவர்கள் பெரும் பாலும் என்னைவிட சின்ன வயசுக்காரர்களாகத் தெரிகிறார்கள். ஒரு தாத்தா மாட்டினார். நிச்சயம் என்னைவிட மூத்தவர். சிமென்ட் பெஞ்சில், என் பக்கத்தில் வந்து உட்கார்ந்தார்.

"யு ஆர் எ ரைட்டர்! எனக்கு எத்தனை வயசு சொல்லுங்க, பார்க்கலாம்!"என்று கண் சிமிட்டலுடன் கேட்டார்.

நான் யோசித்து, ‘‘கட்டை விரலால் மூக்கைத் தொடுங்கோ"என்றேன்.

"எதுக்குப்பா?"

"தொடுங்களேன்!"

சற்று வியப்புடன் தொட்டார்.

"மத்த விரல்களை றெக்கை மாதிரி அசை யுங்கோ!"என்றேன். ‘‘இதிலிருந்து கண்டுபிடிச்சுட முடியுமா, என்ன?’Õ என்று, விரல்களைச் சொன்னபடி அசைத் தார்.

"ரெண்டு கையையும் பரப்பி, ஏரோப்ளேன் மாதிரி வெச்சுண்டு ஒரே ஒரு தடவை லேசா குதிங்கோ. பாத்து... பாத்து..."

"இது என்னப்பா ட்ரிக்கு?"என்று அப்படியே செய்தார்.

"உங்களுக்கு இந்த மே பன்னண்டு வந்தா எண்பத்தோரு வயசு!"என்றேன்.

அசந்து போய், "கை குடு. எப்படிப்பா இத்தனை கரெக்டா சொன்னே?"

"ஒரு ட்ரிக்கும் இல்லை, சார்! நேத்திக்குதான் இதே பெஞ்சில், இதே சமயம் வந்து உட்கார்ந்து, உங்க வயசு, பர்த்டே எல்லாம் சொன் னீங்க. மறந்துட் டீங்க!"என்றேன். தாத்தா மாதிரி அத்தனை மோசம் இல்லை என்றாலும், எனக்கும் சமீபத்திய ஞாபகங்கள் சற்றே பிசகுகின்றன. ஒரு அறையிலிருந்து மற்றொரு அறைக்குச் சென்றால், எதற்காக வந்தோம் என்பது மறந்தே போகிறது. பெயர்கள் ஞாபகம் இருப்பதில்லை. ஆந்தைக்கு இங்கிலீஷில் என்ன என்று சட்டென நினைவு வருவதில்லை. ‘படையப்பா’வில் ரஜினிக்கு முன்னால் கால் போட்டுக் கொண்டு உட்கார்ந்தாரே... அந்த நடிகை யின் பெயர் என்ன என்று ஒரு நாள் அதிகாலை கண் விழித்ததும், ஒரு மணி நேரம் யோசித்தேன், கிட்டவில்லை.

மனைவி எழக் காத்திருந்து அவளிடம் கேட்டேன். "ரம்யா கிருஷ்ணன்"என்றாள். இம்மாதிரி, நியூரான்கள் களைத்துப் போவது தெரிகிறது. ஆனால், நீண்ட நாள் ஞாபகங்கள் பத்திரமாக இருக்கின்றன. அது மூளையில் வேறு பேட்டை போலும்! கிட்டத்தட்ட அறுபது ஆண்டுகளுக்கு முன், சின்ன வயசில் கோயமுத்தூரில் அம்மா\அப்பாவுடன் ஜட்கா வண்டியில் "ஜகதலப்ரதாபன்"சினிமா போனது, ஒண்ணாம் கிளாஸ் டீச்சருக்கு ஆனந்த விகடனும், அமிர்தாஞ்சனும் கொண்டு போய்க் கொடுத்தது, பள்ளி மணியை அகாலமாக அடித்தது, எனக்குத் தம்பி பிறந்தது... இதெல்லாம் தெளிவாக ஞாபகம் உள்ளது. ஸ்ரீரங்கத்துக் கதைகள் அனைத்தும் என் நீண்ட நாள் ஞாபகங்களின் வடிவம்தான்!

டெல்லியில், பெட்ரோல் எழுபத்தைந்து பைசாவும், பால் ஐம்பத்தைந்து பைசாவும் கொடுத்து வாங்கி தாராளமாக வாழ்ந்தது, என் முதல் கதை, முதல் நாவல் பிரசுரமானது, எஸ்.ஏ.பி'யின் கடிதக் குறிப்பு எல்லாம் ஞாபகம் உள்ளது. ரம்யா கிருஷ்ணன் போன்ற மேட்டர்தான் சட்டென்று வழுக்கிவிடுகிறது.

மெரீனாவில், ஷார்ட்ஸ் ஸ்னீக்கரில் ஓடும் இளைஞர்களைப் பார்த்து முன்பு பொறாமைப்படுவேன். இப்போது புன்னகைக்கிறேன். பொதுவாகவே, பொறாமைப்படுவதற்கான விஷயங்களும், அதட்டிச் சொல்வதற்கான விஷயங்களும் குறைந்து வருகின்றன. ஹிந்துவின் "ஆபிச்சுவரி"பார்க்கையில், இறந்தவர் என்னைவிட சின்னவரா, பெரியவரா என்று முதலில் பார்ப்பேன். சின்னவராக இருந்தால், ‘பரவால்லை... நாம தப்பிச்சோம்!’ என்றும், பெரியவ ராக இருந்தால் கழித்துப் பார்த்து, ‘பரவால்லை... இன்னும் கொஞ்ச நாள் இருக்குÕ என்றும் எண்ணுவேன். எதிர்காலம் என்பதை இப்போதெல் லாம் வருஷக் கணக்கில் நினைத்துப் பார்ப்பது இல்லை. மாதக் கணக்கில்... ஏன், உடம்பு சரியில் லாமல் இருக்கும்போது வாரக் கணக்கில், நாள் கணக்கில் அந்தந்த நாளை வாழத் தோன்றுகிறது. Today I am alright, thank God!

சயின்ஸ் அதிகம் படித்ததால், கடவுளைப் பற்றிய குழப்பங்கள் தீர்க்க முடியாமல் இருக்கின்றன. யேட்ஸ் சொன்னதுபோல், "சிலர் கடவுள் இருக்கிறார் என்கிறார்கள். பிறர் கடவுள் இல்லை என்கிறார்கள். உண்மை ஒருக்கால் இரண்டுக்கும் இடையில் எங்கோ இருக்கிறது!".

ஆனால், டி.என்.ஏ. ரகசியத்தையும், உயிரின வேறுபாடுகளையும், அண்டசராசரங்களின் அளவையும் பார்க்கும்போது, நம்மை மீறிய சக்தி புலன் உணர்வுக்கும், நம் அற்ப வார்த்தைகளுக்கும் அகப்படாத ஒரு சக்தி இருப்பதில் எனக்கு நம்பிக்கை வந்துவிட்டது. நான் நாத்திகன் அல்ல. மிஞ்சிப்போனால், ரஸ்ஸல் படித்தபோது ‘அக்னாஸ்டிக்’காக அதாவது, கடவுள் இருப்பைப் பற்றித் தெரியாதவனாக இருந்திருக்கிறேன். மறுபிறவியில் எனக்கு நம்பிக்கை இல்லை. பிறந்தால் இதே ஞாபகங்கள், இதே முதுகுவலியுடன் தமிழ்நாட்டில் பிறக்க வேண்டும். தமிழில் மீண்டும் கதைகள் எழுத வேண்டும். நடக்கிற காரியமா? முற்றிலும் புதிய பிறப்பு, தேசம், பெயர், உடல் என்றால் அது மறுபிறவி அல்ல... வேறு பிறவி. மேலும், எங்கேயாவது ஸ்விஸ் நாட்டில் பிறந்து வைத்தால், பாஷை தெரியாமல் கஷ்டப்படுவேன்.

இறந்ததும் என்ன ஆகிறது என்பதைப் பற்றி நசிகேதனைப்போல யோசிக்கும் போது, சட்டென்று ஒரு திடுக்கிடல் ஏற்படும். அந்தச் சமயத்தில் மல்லிகை வாசனையையோ, ஒரு குழந்தையின் புன்சிரிப்பையோ எண்ணிப் பார்த்துக் கவனத்தைக் கலைத்துக்கொள்வேன். சொர்க்கம், நரகம் இதில் எல்லாம் நம்பிக்கை இல்லை. இரண்டும் இங்கே தான் என்று எண்ணுகிறேன். அப்படி ஒருக்கால் இருந்தால், நரகத்துக்குப் போகத்தான் விரும்புகிறேன். அங்கே தான் சுவாரஸ்யமான ஆசாமிகள் இருப்பார்கள். சொர்க்கத்தில், நித்ய அகண்ட பஜனைச் சத்தம் எனக்கு ஒரு நாளைக்கு மேல் தாங்காது.

ஆரம்பத்தில் இளைஞனாக இருந்த போது, ஏரோப்ளேன் ஓட்டவும், கித்தார் வாசித்து உலகை வெல்லவும், நிலவை விலை பேசவும் ஆசைப்பட்டேன். நாளடைவில் இந்த இச்சைகள் படிப்படி யாகத் திருத்தப்பட்டு, எளிமைப்படுத்தப் பட்டு, எழுபது வயதில் காலை எழுந் தவுடன் சுகமாக பாத்ரூம் போனாலே சந்தோஷப்படுகிறேன். வாழ்க்கையே இவ்வகையில் progressive compromises (படிப்படியான சமரசங்களால் ஆனது).

இன்றைய தினத்தில், என் டாப்டென் கவலைகள் அல்லது தேவைகள் என்றால்... முதலிடத்தில் உடல் நலம், மனநலம், மற்றவருக்குத் தொந்தரவு கொடுக்காமல் இருப்பது, தெரிந்தோ தெரியாமலோ யார் மனதையும் புண் படுத்தாமல் இருப்பது, இன்சொல், அனுதாபம், நல்ல காபி, நகைச்சுவை உணர்வு, நான்கு பக்கமாவது படிப்பது, எழுதுவது போன்றவை பட்டியலில் உள்ளன. பணம் அதில் இல்லை. முதலிலேயே அது லிஸ்ட்டை விட்டுப் போய்விட்டது.

தி.ஜானகிராமனின் "கொட்டு மேளம்"கதையில் வரும் டாக்டருக்குப் போல, மனைவி அவ்வப்போது வர வேண்டிய பணத்தையும், ஏமாற்றிய ஜனங்களை யும் எனக்குச் சொல்லிக் காட்டுவாள். அவளும் இப்போது இதில் பயனில்லை என்று நிறுத்திவிட்டாள். பணம் பிரதானமாக இல்லாததால், இன்று எழுபது வயசில் மனச்சாட்சி உறுத்தாமல் வாழ முடிகிறது. ஜெயிலுக்குப் போன தில்லை. ஒரே ஒரு தடவை டில்லியிலும், ஒரு தடவை பெங்களூரிலும் ஒன்வேயில் ஸ்கூட்டர் ஓட்டியதால், மாஜிஸ்ட்ரேட் கோர்ட்டுக்குப் போயிருக்கிறேன். வோட்டிங் மெஷினுக் காக சாட்சி சொல்ல, கேரளா ஹைகோர்ட் டில் இருந்து சுப்ரீம் கோர்ட் வரை போயிருக்கிறேன்.

அம்பலம் இணைய (www.ambalam.com) இதழில் ஒரு வாசகர் கேள்வி கேட்டிருந்தார்... "நாற்பது வருஷ மாக உங்களைத் தொடர்ந்து படித்து வருகிறேனே... என்னைப் பற்றி என்ன நினைக்கிறீர் கள்?"என்று.

நீண்ட யோசனைக்குப் பிறகு பதில் அளித்தேன்... "நாற்பது வருஷம் உங்களைத் தொடர்ந்து படிக்க வைத்திருக்கிறேனே, என்னைப் பற்றி நீங்கள் என்ன நினைக்கிறீர்களோ அதேதான்!"என்று. என் எழுத்து, என்னைப் பல தேசங்களுக்கு அழைத்துச் சென்றிருக்கிறது. பல வகைப்பட்ட மனிதர்களைச் சந்திக்க வைத்திருக்கிறது. பிரைவேட் ஜெட்டி லிருந்து ஃப்ரீமாண்ட் மிஷன் பீக் மலை யுச்சி மாளிகை வரை அனுமதித்திருக்கிறது. பெயர் தெரியாத வாசகர்கள் நள்ளிரவில் கூப்பிட்டுப் பாராட்டியிருக் கிறார்கள். மனைவிமார்கள் அழுதிருக்கிறார்கள். கணவன்கள், மனைவிகள் மேல் சந்தேகப்பட்டுத் தற்கொலை செய்து கொள்ளுமுன், கடைசி ஆறுதலுக்கு என்னை விளித்திருக்கிறார்கள். ‘ரோஜா’ வெளிவந்த சமயத்தில், பெங்களூருக் குத் தனியாக ஓடி வந்த இளம்பெண் அதிகாலை ஜலஹள்ளியில், ‘அரவிந்த சாமியுடன் என்னை மண முடி!’ என்று கதவைத் தட்டி யிருக்கிறாள். "ஆ"கதையைப் படித்துவிட்டு, "என் மகளை மணம் செய்துகொள்ள வேண் டும்"என்று திருநெல்வேலில் இருந்து வந்த மனநிலை சரியில்லாத இளைஞரும், ‘பாலம்’ கதையைப் படித்து விட்டு என்னைக் கொல்ல வர தேதி கேட்டிருந்த கோவை வாசியும் என் வாசகர்கள்தான். வாழ்க்கையின் அத்தனை பிரச்னைகளுக்கும், முதுகுவலியில் இருந்து முண்டகோபனிஷத் வரை யோசனை சொல்லியிருக்கிறார்கள்; கேட்டிருக்கிறார்கள். மிகச் சிறந்த நண்பர்களையும், அற்புதக் கணங்களையும் என் எழுத்தால் பெற்றிருக்கிறேன். அதுதான் என்னுடைய நோபெல்!

நன்றி: ஆனந்த விகடன்

↧

தமிழ் இ புத்தகங்கள் இலவசமாக

August 31, 2009, 7:14 am

≫ Next: இளையராஜாவின் பெஸ்ட்

≪ Previous: சுஜாதா வாரம் -5 ....சுஜாதாவின் கட்டுரை

தமிழ் இ புத்தகங்கள் இலவசமாக

http://gkpstar.googlepages.com/

↧

இளையராஜாவின் பெஸ்ட்

September 1, 2009, 9:06 am

≫ Next: மசாலா மிக்ஸ்- பாரதி,சாண்டில்யன்

≪ Previous: தமிழ் இ புத்தகங்கள் இலவசமாக

http://www.youtube.com/watch?v=--d1kOfr-fc

↧

மசாலா மிக்ஸ்- பாரதி,சாண்டில்யன்

September 4, 2009, 8:32 am

≫ Next: கண்டு புடிங்க என்ன படம் னு &பாடலாசிரியர்கள் பெயரும்

≪ Previous: இளையராஜாவின் பெஸ்ட்

சுவையான சம்பவங்கள் - பாரதி:
------------------------------

காந்திமதி நாதன் என ஒரு வாத்தியார். சிறுவன் பாரதி படித்த பள்ளியில் ஆசிரியராக இருந்தாராம். இவன் எழுதும் கவிதைகளைப் பற்றியெல்லாம் அதிகம் கேள்விப்பட்ட அவர் பாரதியிடம் கிண்டலாக கேட்டாராம். ”எங்கே! பாரதி சின்னப்பயல் என முடிகிற மாதிரி ஒரு கவிதை எழுது பார்க்கலாம்”. நொடியும் தாமதிக்காது பாரதி கவிதை சொன்னானாம்.

”காந்திமதி நாதனைப் பார்,
அதி சின்னப் பயல்” –என்று

Poem:
----

தனித்து நடந்து செல்கிறேன்

வாழ்வின்
இருள் கனத்த வீதிகளில்
தனித்து நடந்து செல்கிறேன் .
யாரோ என் கரங்களைப் பற்றுகிறார்கள் .
பயமாக இருக்கிறது .
இப்போது தம் கரங்களை
விடுவித்துக் கொண்டார்கள்
இப்போது மிகமிக பயமாக இருக்கிறது .

Tamil:
-------

தற்குறிப்பேற்ற அணி

தமிழ் இலக்கணத்தில் "தற்குறிப்பேற்ற அணி"என்று ஒரு பகுதி உண்டு. ரொம்ப அருமையான ஒரு பகுதி அது.

தற்குறிப்பேற்ற அணி என்றால் என்ன. இயல்பாக நடக்கும் ஒரு நிகழ்வின் மீது கவிஞர் தன் குறிப்பை ஏற்றிக்கூறுவது தற்குறிப்பேற்ற அணி. உதாரணம்:

இந்த சிலப்பதிகாரப் பாடலைப் பாருங்கள்.

"போருழந் தெடுத்த ஆரெயில் நெடுங்கொடி
வாரல் என்பனபோல் மறித்துக் கைகாட்ட"

இதன் பொருள்: கோவலனும் கண்ணகியும் மதுரை மாநகரத்திற்குள் நுழைய முற்படும்போது இயல்பாகக் காற்றிலாடும் தோரண வாயிற் கொடிகளைக் கவிஞர் தம் கற்பனையினால் கோவலன் மதுரையில் கொல்லப்படுவான் என்று முன்னமே அறிந்து வர வேண்டாம் என அக்கொடிகள் எச்சரிப்பதாகக் குறிப்பேற்றிக் கூறுவார்.

அதே போல் இன்னொரு எடுத்துக்காட்டையும் பார்ப்போம்.

"மண்படுதோள் கிள்ளி மதயானை மாற்றரசர்
வெண்குடைத் தேய்ந்த வெகுளியால் - விண்படர்ந்து
பாயுங்கொல் என்று பனிமதியம் போல்வதூஉம்
தேயும் தெளிவிசும்பில் நின்று"

பாடலின் பொருள்: மண்ணுலகைத் தாங்கும் தோள்வலிமையுடைய கிள்ளியின் மதயானை போரில் பகை அரசர்களுடைய வெண்கொற்றக்குடையைச் சிதைத்தது. அந்தச் சினத்தோடு (வெண்கொற்றக்குடை என நினைத்து) வானிலேறி நம்மீதும் பாயுமோ என குளிர்நிலவு அஞ்சித் தேய்கிறது.

சந்திரன் தேய்வது இயல்பு. பகைவரின் வெண்கொற்றக்குடையை தேய்த்தது போல் தன்னையும் தேய்க்குமோ என சந்திரன் அஞ்சித் தேய்வதாகக் கூறியது பெயர்பொருள் மீது கவிஞன் தன் குறிப்பை ஏற்றிக் கூறிய தற்குறிப்பேற்றம் ஆகும்.

சாண்டில்யன் எழுதிய "யவண ராணி"கதையில் ஒரு அத்தியாயம் பூராவும், அந்த ராணி குளிப்பதை விவரிக்க நிறைய தற்குறிப்பேற்ற அணியைப் பயன்படுத்தியிருப்பார் சாண்டில்யன். சில உதாரணம் இங்கே...

"யவண ராணி ஆடை இல்லாமல் குளிப்பதை, சந்திரன் (நிலா) மறைந்திருந்து பார்ப்பான். அந்த சந்திர ஒளி ராணியின் உடல் மீது வட்ட வட்டமாக விழும்."அது இயல்பான ஒன்றுதான். ஆனால் கவிஞர், இதற்கு, "ராணியின் அழகில் மயங்கி சந்திரன் அவள் மீது பொற்காசுகளை வீசுகிறான்"என்று எழுதியிருப்பார். இது தற்குறிப்பேற்ற அணிக்கு ஒரு அறுமையான எடுத்துக்காட்டு.

அதேபோல் "ராணி குளித்து முடித்துவிட்டு, தன் உடலை துவட்டிய துணியை, ஒரு மரத்தின் மீது காயப்போடுவாள்."அப்பொழுது அந்தத் துணி "நான் இவ்வளவு நேரம் இந்தப் பேரழகியின் உடலின் பல இடங்களில் படர்ந்திருந்தேன். ஆனால் இப்போது இந்த மரத்தின் மீது என்னை காயப்போட்டுவிட்டாளே"என கண்ணீர் வடிப்பதாக எழுதியிருப்பார். ஈரமான துணியில் இருந்து நீர் சொட்டுவது இயல்பு. அதை கண்ணீர் வடிப்பதாக் தன்குறிப்பை ஏற்றி அழகாக கூறியிருப்பார் சாண்டில்யன்

↧

கண்டு புடிங்க என்ன படம் னு &பாடலாசிரியர்கள் பெயரும்

October 15, 2009, 12:39 am

≫ Next: திருவிழா

≪ Previous: மசாலா மிக்ஸ்- பாரதி,சாண்டில்யன்

1
காதல் ஒன்னும் யூதர் இல்லை கொல்லாதே

2
கம்ப நாடன் உன்னை கண்டால் சீதை என்று துள்ளுவான்

3
சொர்கத்தில் இருந்து யாரோ அனுப்பும் காதல் கடிதம் இன்று தான் வந்தது

4
உதடுகள் உரசிட தா..னே...
வலிகளும் குறைந்திடும் மா..னே

5
நந்தவனக் கரையில்...நட்டு வைத்த செடியில்
மொட்டு விட்ட முதல் பூவை..யார் பறித்தார்

6
மழையும் வெயிலும் என்ன..
உன்னைக் கண்டால் மலரும் முள்ளும் என்ன

↧

திருவிழா

December 6, 2009, 12:14 am

≫ Next: மழைக்கு எனக்கும் மட்டும் தெரிந்த ரகசியம்:

≪ Previous: கண்டு புடிங்க என்ன படம் னு &பாடலாசிரியர்கள் பெயரும்

மிளகாய் பொடி தடவின பேரிக்காய்
கீழிறங்கும் போது வயிற்றில் சங்கடம் பண்ணும் ராட்டினம்
ஆல மர இலையில் கேசரி
கரகாட்ட புகழ் சங்கீதாவின் குலுக்கல் நடனம்
முட்டு சந்துகளுக்கு போய் ஒரு கட்டிங்
கடைசியாய் போன போவுதுன்னு
ஒரு தடவை கும்பிட்டு போகும் சாமி

↧

மழைக்கு எனக்கும் மட்டும் தெரிந்த ரகசியம்:

December 6, 2009, 12:15 am

≫ Next: பெரும்தலைகள் -மணி ரத்னம்,பாலச்சந்தர் , பாரதிராஜா

≪ Previous: திருவிழா

பெருமழைக் காலங்களில்
உன் வீட்டு வாசலிலமர்ந்து
நீ விடும் காகித கப்பல்களை
என் வீட்டு வாசலை கடக்கும்
போது நான் கவர்ந்து விடுவேன்

உனக்கு தெரிந்திருக்க வாய்ப்பில்லை
அந்தக் கப்பல்கள் ஒரு போதும்
என் வீட்டைத் தாண்டிப்
போனதில்லை என்று

அது எனக்கும் மழைக்கும் மட்டுமே
தெரிந்த ரகசியம்.

↧

பெரும்தலைகள் -மணி ரத்னம்,பாலச்சந்தர் , பாரதிராஜா

February 27, 2010, 11:38 pm

≫ Next: சுஜாதா அன்புள்ள சுஜாதா - Repost

≪ Previous: மழைக்கு எனக்கும் மட்டும் தெரிந்த ரகசியம்:

ரொம்ப நாளாய் எழுத நினைத்த ஒரு போஸ்ட்..தமிழ்சினிமாவில் பெரும் இயக்குநர்களான மணி ரத்னம்,பாலச்சந்தர் , பாரதிராஜா பற்றி விலாவரியாக ஒரு போஸ்ட் போடனும் என்ற ஆசை எனக்குண்டு..

இப்போது கூட இந்த போஸ்டை தொடர நினைப்பவர்கள் தொடர்லாம்

இப்போது ஒரு சுருக்கமாக நான் சொல்ல நினைப்பது..

இந்த மூவரும் ஒரு காலத்தில் பட்டைய கிளப்பினவர்கள் ..மூவரும் தமிழ் சினிமாவை வேறு தளத்துக்கு(மூணவாது புளோர்!!!)எடுத்துச் சென்றவர்கள்..

ஸ்டோடியாவில் டிராமா பாணியில் பவுடர் பூசிக்கொண்டு வில்லனுடன் டிஷியும் போட்டுக்கொண்டிருந்த ஹீரோவை டவுசர் போட விட்டு சகதியில் ஆட விட்டு..வெத்தலை போட விட்டு ..புல் ஹேன்ட் சட்டை போட்டு இடப்பை கூட காடாம அதுக்கும் துணி போட்டு மறைத்து நடித்துக்கொண்டிருந்த நடிகைகளை ஜாக்கெட் போடாமால் , கிராமத்து பாஷை பேச வைத்து மேக்கபில்லாமல் நடிக்க வைத்து வேற்றி அடையவும் செய்தது பாரதிராஜாவின் தனி திறமை..

இவருக்கு முன்னர் ஸ்ரீதருக்கு பின்னர்கலக்கியவர் பாலச்சந்தர்
பாலச்சந்தர் படங்கள் பெரும்பாலும் மனித உறவுகள் மற்றும் அவர்களுக்கு இடையேயான பிணக்குகள் பற்றியது ..அப்பாவும் மகனும் ஒரே பெண்ணை காதலிப்பது..அண்ணனும் தம்பியும் ஒரே பெண்ணை என திணிக்கப்பட்ட உறவுகளை பற்றிய கதைகள் ..ஆனால் அவையனைத்துமே வித்தியாசாமனவையும் கூட..இவரின் படத்தில் வரும் சில கேரக்டர்கள் அவ்வளவு சிறப்பாய் செதுக்கப்பட்டிருக்கும்

மணி இவர்களிரண்டு பேரிலிருந்தும் மிக வித்தியாசனமனவர் காலஓட்டத்துக்கு ஏற்ப தன்னை மாத்திக்கொண்டவர் டெக்னாலஜியையும் தற்கால நிகழ்வுகளையும் உள்வாங்கி படமெடுக்கக்கூடியவர்..

ஆனால் ஒரு கட்டுத்துக்கு மேல் பாரதிராஜா,பாலச்சந்தரால் வெற்றியை தொடரமுடிய வில்லை அதுக்கு காரணம் மணியின் வெற்றிக்கு காரணமான விஷயங்களே..

இடையில் பாரதிராஜா என்னால் கிராமத்து படம் மட்டுமில்லை வித்தியாசமான சிட்டி படங்களும் எடுக்க முடியும் என் நிரூபித்தார் ஆனால் அந்த படங்களில் மிதமிஞ்சிய கவர்ச்சி இருக்கும்

இது தவிர தன் மகனை வைத்து பாசத்தால் எடுத்த ஒரு படம் செம அடி வாங்கியது ..அது வரை எல்லா படங்களிலும் இவர் பின்பற்றிய யதார்த்தம் இந்த படத்தில் துளியளவும் இல்லாததும் ஒரு காரணம்..இப்போதும் கூட பொம்மலாட்டம், கண்களால் கைது செய் என வித்தியாசாமான கரு கொண்ட படங்களை எடுக்கத்தான் செய்கிறார் ஆனால் அவை மக்களை சென்றடைவத்தில்லை ஏனோ

பாலச்சந்தர் கடைசியாக பொய் என ஒரு படம் எடுத்து செமத்தியாக கட்டிக்கொண்டார்..என திருமணத்திற்கு பின் நான் முதன் முதலில் என் மனைவியுடன் பார்த்த படமும் அதுவே

மணியும் அவரது படங்களை பல இடங்களில் காப்பியடிப்பது சலிப்படைய செய்கிறது..உதாரணமாக அனில் கபூர் நடித்து கன்னத்தில் வெளியான இவரது முதல் படத்தில் வரும் டய்லாக்ஸ் மறுபடியும் அலைபாயுதேயிலும் ..மொளன ராகத்திலும் பயன் படுத்திருப்பாரு யாரவாது கவனித்திருக்கிறீர்களா

இப்போது சங்கர் புரடக்சன் படமொன்றில் பாரதிராஜாவும் , பாலசந்தரும் நடிக்கபோவதை கேள்விப்பட்டிருப்பீர்கள்

இப்போ கேள்வி டைம்..

பாரதிராஜாவும் பாலச்சந்தரும் ஏற்கெனவே சில படங்களில் தலைக்காட்டியிருக்கிறார்கள் அந்த படங்கள் தெரிந்தால் சொல்லுங்கள்

பின் குறிப்பு:

இப்போது சங்கர் புரடக்சன் படமொன்றில் பாரதிராஜாவும் , பாலசந்தரும் நடிக்கபோவதை கேள்விப்பட்டிருப்பீர்கள்

↧

சுஜாதா அன்புள்ள சுஜாதா - Repost

March 1, 2010, 8:57 pm

≫ Next: எனக்கு இன்று தான் தலைப்பிரசவம்---வைரமுத்து

≪ Previous: பெரும்தலைகள் -மணி ரத்னம்,பாலச்சந்தர் , பாரதிராஜா

பன்னிரண்டாம் வகுப்பு படிக்கும் போது ,சுந்தர் ராமன் என்னும் ஒரு நண்பன் தான் சுஜாதாவை அறிமுகப் படுத்தினான்.அப்போது கெமிஸ்ட்ரி புத்தகத்திலும்,பிசிக்ஸ் புத்தகத்திலும் நாங்கள் விகடன்,அல்லது மற்ற கதை புத்தங்களை ஒளித்து வைத்து படிப்போம்.சுந்தர் சுஜாதாவை படிப்பான், நான் அப்போது கத்துக்குட்டி ஆதாலால் ராஜேஸ்குமார் படித்துக் கொண்டிருப்பேன்.

'வசந்த கால குற்றங்கள் ' (இந்த நாவலில் கணேஷ்,வசந்த கிடையாது)தான் நான் முதன் முதலில் படித்த சுஜாதா நாவல் .கோடை விடுமுறையில் ஏனோதானோ என்று தான் அந்த புத்தகத்தை படிக்க ஆரம்பித்தேன்,சுஜாதாவின் சொல்லாடலும்,தமிழை எளிய முறையில் அதே சமயம் வித்தியாசாமாகவும் அவர் பயன்படுத்தியிருந்த விதம் என்னை வெகுவாய் கவர்ந்தது.
முதல் மதிப்பெண் எடுத்தால் வண்டி வண்டியாய் பாத்திரங்களை பரிசாய் கொடுக்கு எங்கள் பள்ளியில் பன்னிரண்டாம் வகுப்பில் முதல் மதிப்பெண் எடுத்ததற்க்கு , முதன் முறையாக புத்தங்கள் கொடுத்தார்கள், அதில் ஒரு புத்தகம் 'ஏன்?எதற்கு?எப்படி?'. அந்த புத்தகத்தின் மூலம் நான் தெரிந்து கொண்டது பல விஷயங்கள் , உதாரணத்திற்கு , அதில் ஒரு வாசகர் கேட்ட கேள்வி , 'மனிதன் இறக்கும் வரை வளர்ந்து கொண்டே இருக்கும் உறுப்பு எது 'அதற்கு பதில் தெரிந்தால் சொல்லுங்கள்.

வசந்த கால குற்றங்களுக்கு பிறகு எனக்கு படிக்க கிடைத்தது 'காந்தளூர் வசந்த குமாரன் கதை' , சரித்திர நாவலாய் இருக்கிறதே போர் அடிக்குமோ என எண்ணி தான் ஆரம்பித்தேன்,ஆனால் வாத்தியார் பிண்ணி எடுத்திருந்தார். அந்த நாவலில் வரும் கணேஷ் பட்டரும்,வசந்த் ஐயரும் தான் கணேஷ்,வசந்த என பிற்காலத்தில் தான் தெரிந்தது.அதற்கு பின் 3 ஆண்டு காலங்கள் கல்லூரியில் சுஜாதாவின் எந்த புத்தகமும் படிக்க கிடைக்க வில்லை.நான்காம் ஆண்டு என் பள்ளி நண்பன் சுந்தரின் பிறந்த நாளுக்காக பரிசாய் கொடுக்க கோவை டவுன் ஹாலில் பழைய புத்தக கடைகளுக்குள் புகுந்து புரட்டிய போது சுஜாதாவின் எந்த புத்தகமும் கிடக்க வில்லை,பொதுவாக அவர் மாத நாவல்கள் எழுதியிராத காரணத்தால் அவர் புத்தங்கள் இந்த மாதிரி பழைய புத்தக கடையில் கிடைக்காது.நம்பிக்கையிழந்த கடைசியாக எதேச்சையாக ஒரு கடையில் பைண்டு பண்ணியிருந்த ஒரு புத்தகத்தை எடுத்து பார்த்தேன்..ஆச்சர்யம் எனக்கு கிடைத்தது..'மூன்று நிமிஷா'. மறுபடியும் புத்தகங்களுக்கு தலை விட்ட போது கிடைத்தது "நைலான் கயிறு"சுஜாதாவின் முதல் நாவல்,குமுதமில் வந்தது.அந்த நாவலுக்கு "சீட்டு கட்டு மாளிகை "என்று இன்னொரு பெயரும் உண்டு. அந்த புத்தங்களை படித்து விட்டே அவனுக்கு பரிசளித்தேன்.

கற்றதும் பெற்றதும் ல் அவர் தனக்கு வரும் மெயில்கள் பற்றி எழுத அவருக்கு இமெயில்கள் அனுப்பினால் அவர் பதில் அளிப்பார் என தெரிய அவருகு என் முதல் மெயிலை அனுப்பினேன். விகடனில் அவர் இரண்டு வரிகளில் கதை எழுதி அனுப்ப சொல்லி எழுதியிருந்தார் ,நான் ஒரு சில கதைகள் யோசித்து அவருகு மெயிலினேன் ,அவரிடமிருந்து மறுநாளே ரிப்ளை வந்தது , ஒரே வரியில் 'too late 'என. ஏமாற்றத்திலும் ஒரு சந்தோசம்.

பின்னர் அவர் பிறந்த நாளுக்கு , இணையத்தில் அவரை பற்றிய பலரும் எழுதிய சிறந்த பதிப்புகள், அவர் கதை பற்றிய தீவிர விவாதங்களை தொகுத்து என் பிளாகில் இட்டேன், அதன் லின்க் கொடுத்து ,அவரை வாழ்த்தி மெயிலினேன். மறு நாள் 'தாங்க்ஸ்'என ஒற்றை வரி பதில் , அவர் என் போஸ்ட்டை படித்தாரா எனத் தெரிய வில்லை.

இன்னொரு முறை முட்டாள் தனமாய் ஒரு ஆர்வத்தில் என் கவிதைகளை அவருக்கு அனுப்பினேன், 'இதை போல இனிமேல் அனுப்பாதீர்கள்'என பதில் அனுப்பினார்.

சினிமாவில் அவரை ஒழுங்காக பயன்படுத்தியவர்கள் மணிரத்னமும், சங்கரும் மட்டுமே, இவர்கள் அல்லாது உள்ளம் கேட்குமே,கண்டுகொண்டேன் கண்டுகொண்டேன் என சில படங்களுக்கும் வசனம் எழுதியுள்ளார், இந்த படங்களில் எல்லாம் சுஜாதா தான் டயலாக்ஸ் என டைட்டிலில் பார்த்து தான் தெரிந்து கொள்ள வேண்டும்.

விகடன் கற்றதும் பெற்றதுமில் அவர் பல நல்ல கவிஞர்களை,இசையமைப்பாளர்களை,பாடகர்களை,எழுத்தாளர்களை இனம் கண்டு பாராட்டி பேசி அவர்கள் முன்னேற காரணமாயிருந்திருக்கிறார்.உதாரணமாக நா.முத்து குமாரின் 'தூர்'கவிதை மற்றும் 'பூனை'என்னும் கவிதைகளை வெகுவாக பாராட்டினார்.கார்டூனிஸ்ட் சிம்பு தேவனை அவரது சொந்த ஊரிலிருந்து அழைத்து சென்னை வரச் சொல்லி ,பல வாய்ப்புகள் கொடுத்து,இப்போது அவர் டைரக்டராக உயர காரண்கர்த்தா கவிஞர் தாமரை அடையாளம் கண்டவரும் இவரே. இவர் ஒரு காலத்தில் புகழ்ந்தவர்கள் எல்லாம் இப்போது நல்ல நிலையில் உள்ளார்கள்.
இசையமைப்பாளர் ரமேஷ் விநாயகம்('ஏய் நீ ரொம்ப அழகாயிருக்கிற'படத்தில் 5 இசையமைப்பாளர்களில் ஒருவராய் அறிமுகமானார்.) பற்றி அவர் முன்பே எழுதியுள்ளார், 'அழகிய தீயே 'மூலம் நல்ல பயரெடுத்தவ்ர் ரமேஷ் வியாகயம் , அவர் திறமை இன்னும் முழுதும் வெளிப் பட வாய்ப்பு கிடைக்க வில்லை.

இன்போசில் வேலையில் ஜாய்ன் பண்ணி பென்ச்சில் இருந்த மாதங்களில் , கூகுளில் அவரை பற்றியும்,கதைகள், நாவள்கள்,அவர் சம்மந்தபட்ட குழுக்கள்,அவரை பற்றி பதிவு போடுபவர்களிடம் தொடர்பு கொள்வது என ஆரம்பித்தேன்.இப்படித்தான் 'என்.சொக்கன்'அறிமுகமானார்,இவர் சுஜாதாவில் தீவிர வாசகர், விடனில் 'வல்லினம் ,மெல்லினம்,இடையினம்'எழுதினார், இவரிடமும்,கிறுக்கல்.காம் குருவிடமும் நிறைய பேசி , என்னிடம் இருக்கும் நாவல்களை பகிர்ந்தும்,அவர்களிடமிருந்து பெற்றும் இருக்கிறேன்.

to be continued

↧